Mətbuat Şurasına yeni üzvlər qəbul olundu
23:00 21 Oktyabr 2015
Mətbuat Şurasının (MŞ) İdarə heyətinin iclası keçirilib.
MŞ-dan Femida.az- a verilən xəbərə görə, Şura sədrinin müavini, Jurnalistlərin Həmkarlar İttifaqının sədri Müşfiq Ələsgərli toplantını açaraq müzakirəsi tövsiyə olunan məsələlər barədə məlumat verib. Gündəlik səsə qoyulub və yekdilliklə təsdiqlənib.
İlk olaraq Mətbuat Şurası sıralarına yeni üzvlər qəbul olunub. Müzakirələrdən sonra bir sıra kütləvi informasiya vasitələrinin MŞ sıralarına qəbulu barədə qərarlar qəbul edilib. «Qarabağa aparan yol», «Kənd həyatı», «Respublika gəncləri» qəzetləri, «Təhsil», «Azeri Defence», «Milli zəka» jurnalları qurumun yeni üzvləri olublar. Bu sırada daha beş bölgə qəzeti də təmsil olunacaq. Bunlar Tovuzun, Mingəçevirin, Şuşanın eyni adlı mətbu nəşrləri, «Yeni Gəncə» və «Gündoğar» qəzetidir (Neftçala rayonu).
Yeni üzvlər sırasında «Azərbaycan Jurnalistlər Şəbəkəsi» İctimai Birliyi də var.
Mətbuat Şurasına onlayn media vasitələrinin qəbulu diskussiyalarla müşahidə olunub.«Xeberler.az», «Gün.az», «Avrasiya.net», «Azxeber.com», «Olke.az», « İstiqlal.az», «Azpolitika.info», «Aktual.az» saytları da MŞ-nin yeni üzvləri olublar. «Yenilik.az» və «Yenicag.az» saytları isə bu KİV-lərin MŞ tərəfindən iki aylıq monitorinqinin aparması şərti ilə Şuraya üzv qəbul edilib.
İclasda təklif edilib ki, MŞ-yə üzv olmaq istəyən onlayn media vasitələri üçün tələblər bir qədər də təkmilləşdirilməlidir. Belə ki, ərizə ilə müraciət edən hər bir KİV-in monitorinqi aparılmalı və monitorinq qrupunun da rəyindən sonra sənədlər İdarə Heyətinin müzakirəsinə çıxarılmalıdır.
İclasda Azərbaycan Mətbuat Şurasının Şikayətlər və Komissiyasının rəyləri əsasında MŞ-nin qərarları da qəbul olunub. «Şəfəqə doğru», «Demokratik dövlət» qəzetlərinə, «Vətənim Azərbaycan» jurnalına və «Qafqaznews. az» saytına etik prinsiplərin tələblərinə sayğısızlıq göstərdiklərinə görə Mətbuat Şurasının xəbərdarlığı edilib.
Oxunub: 1126
Oxşar xəbərlər
- Mətbuat Şurası hüquq-mühafizə orqanlarına müraciət etdi - Reket KİV-lərlə bağlı
- Mətbuat Şurası mitinqdə monitorinq aparıb
- Mətbuat Şurası mitinqdə monitorinq aparıb
- Mətbuat Şurası İlham Əliyevə təşəkkür etdi
- Mətbuat Şurası şikayətlərə baxdı
- Mətbuat Şurası `Vaşinqton Post`u sərt tənqid etdi
- Mətbuat Şurasında görüş olub
- Mətbuat Şurası şikayətlərə baxdı
- Mətbuat Şurası prezidentə məktub göndərib
- Mətbuat nümayəndələri ulu öndərin məzarını ziyarət edib