Güzəştli mənzillərin ikinci seçimi başa çatıb
13:52 25 Yanvar 2019
Mənzil İnşaatı Dövlət Agentliyinin Yasamal Yaşayış Kompleksinin 1-5 saylı binaları üzrə 46 mənzil, həmçinin 6 və 7 saylı binalarında yerləşən 128 mənzilin, ümumilikdə 174 mənzilin satışı prosesinə 25.01.2019-cu il tarixində saat 11:00-da başlanılmış və mənzillərin seçimi qısa müddətdə uğurla başa çatdırılıb.
Bu barədə Femida.az -a MİDA-nın mətbuat xidmətindən məlumat verilib.
Azərbaycan Respublikası Prezidentinin 24.05.2017-ci il tarixli Fərmanı ilə təsdiq edilmiş Əsasnaməyə uyğun olaraq satışa çıxarılan 174 mənzilin seçimi “Elektron hökumət” portalı (www.e-gov.az) üzərindən “Güzəştli mənzil” elektron sistemi vasitəsilə bərabər şəraitdə etibarlı, təhlükəsiz, şəffaf və fasiləsiz iş rejimində həyata keçirilib. “Güzəştli mənzil” sistemində elektron kabinet əldə etmiş şəxslərin sayı 10 242 nəfərdir.
Güzəştli mənzillərin ilk satışı zamanı 324 mənzilin seçimində 4 542 şəxs iştirak etmişdirsə, bu günkü satış zamanı 174 mənzilin seçimində iştirak edənlərin sayı 5 909 nəfər olub. Bu isə güzəştli mənzillərə vətəndaşların tələbatının və marağının yüksək olduğunun göstəricisidir.
Bu saata olan məlumata görə seçilmiş 174 mənzilin 160-ı vətəndaşlar tərəfindən uğurla imzalanaraq ərizələri təqdim edilib.
Mənzillərin seçimi prosesi Mənzil İnşaatı Dövlət Agentliyinin inzibati binasında yaradılmış operativ qərargahda Azərbaycan Respublikasının Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyinin, Nəqliyyat, Rabitə və Yüksək Texnologiyalar Nazirliyinin, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin, "Elektron Hökumətin İnkişafı Mərkəzi"nin və "Ernst & Young" şirkətinin nümayəndələrinin iştirakı ilə müşahidə edilib.
Femida.az
Oxunub: 421
Oxşar xəbərlər
- Güzəştli mənzillərin növbəti seçimi bu tarixdə keçiriləcək
- Güzəştli mənzillərin n[vbəti partiyası satışa çıxarılır
- Güzəştli mənzillərlə bağlı yeni xəbər var
- Güzəştli vergi tutulan ölkələrin və ərazilərin siyahısı
- Güzəştli mənzil almaq istəyənlər DİQQƏT! - Satış tarixi AÇIQLANDI
- Güzəştli mənzillərin seçimi başa çatdı
- Güzəştli mənzil almaq asanlaşdı - Yeni qaydalar
- Güzəştli mənzil almaq istəyənlərin nəzərinə! - MİDA müraciət etdi
- Güzəştli mənzillərin hamısı satıldı
- Güzəştli mənzil almaq istəyən alimlər üçün FÜRSƏT