İlahiyyat İnstitutunda "dəyirmi masa" keçiriləcək
18:27 28 Yanvar 2019
Azərbaycan İlahiyyat İnstitutunda (Aİİ) fevralın 1-də “Milli-mənəvi dəyərlərin təbliğində gənclərin rolu” mövzusunda "dəyirmi masa" keçiriləcək.
İnstitutdan Femida.az-a verilən məlumata görə, diskussiya iştirakçıları milli-mənəvi dəyərlərimiz, dil, din, ailə, milli mənsubiyyət, müstəqillik, azərbaycançılıq ideologiyası və digər bu kimi önəmli anlayışlar haqqında məruzə ilə çıxış edəcəklər. “Dəyirmi masa”da milli-mənəvi irsimizin düzgün təbliği və bu sahədə gənclərin üzərinə düşən vəzifələrin müzakirəsi nəzərdə tutulur.
Tədbirdə Aİİ-nin müəllimləri – ilahiyyat üzrə fəlsəfə doktoru Anar Qafarovun “Xəyallarımız, hədəflərimiz və dəyərlərimiz”; fəlsəfə üzrə fəlsəfə doktoru Elvüsal Məmmədovun “Gənclər və milli-mənəvi dəyərlər” mövzusunda məruzələri və ali təhsil müəssisəsi magistrantlarının “Milli-mənəvi dəyərlərin təbliğində gənclərin rolu” mövzusu ətrafında çıxışları dinləniləcək.
Məruzələrdən sonra, mövzu ətrafında müzakirələrin aparılması nəzərdə tutulur.
Qeyd edək ki, İnstitut Azərbaycan xalqına məxsus dini, milli-mənəvi dəyərlərin gənc nəslə aşılanması, vətənpərvərlik ruhunun, Vətənə sevginin və ona bağlılığın gücləndirilməsi istiqamətində müxtəlif tədbirlər həyata keçirir.
Məlumat üçün bildiririk ki, Azərbaycan İlahiyyat İnstitutu ali təhsil müəssisəsinin yaradılması haqqında Azərbaycan Respublikasının Prezidenti İlham Əliyevin 9 fevral 2018-ci il tarixli Sərəncamının birilliyinə həsr olunmuş silsilə tədbirlər həyata keçirir.
Femida.az
Oxunub: 458
Oxşar xəbərlər
- İlahiyyat İnstitutuna qəbul balı artıb
- İlahiyyat İnstitutu və Mənəvi Dəyərlərin Təbliği Fonduna yeni bina verilib
- İlahiyyat İnstitutunda imtahan sessiyası başladı
- İlahiyyat İnstitutunun saytı fəaliyyətə başlayıb
- İlahiyyatçının qardaşına hökm oxunub
- İlahiyyatçı rektor təyin edildi
- İlahiyyat İnstitutunun heyəti qadın cəzaçəkmə müəssisəsində olub
- İlahiyyat İnstitutunun jurnalı çapdan çıxıb
- İlahiyyat İnstitutunun Himayəçilər Şurası yaradılıb
- İlahiyyat İnstitutunda tələbələrə vəsiqələr verilib