21 yaşlı qız itkin düşdü - Sumqayıtda

20:04     29 Yanvar 2019

Sumqayıt şəhərində işlədiyi mağazadan çıxan qız itkin düşüb.

Femida.az Report-a istinadən bildirir ki, Sumqayıt şəhəri, 52-ci məhəllədə fərdi evdə yaşayan, 1998-ci il təvəllüdlü Xədicə Rizvan qızı Kərimli işlədiyi Sumqayıt şəhər, 2-ci mikrorayon ərazisində yerləşən qadın geyimləri mağazasından yanvarın 17-də işdən çıxıb və bir daha geri qayıtmayıb.

Xədicə Kərimlinin əlamətləri: boyu, təxminən, 160 sm, ağbəniz, orta bədən quruluşlu, gözlərinin rəngi qonur, saçı uzun və çəhrayı rəngdədir.



Evdən çıxarkən əynində qara rəngli papaqlı gödəkçə, qara cins şalvar və ayağında ağ rəngli idman ayaqqabısı olub.

X.Kərimlini görənlərdən xahiş olunur ki, bu barədə Sumqayıt şəhər Polis idarəsinə və ya (018) 65-4-44-81, 055-286-39-46, nömrəli telefonlara zəng edərək məlumat versinlər.

Femida.az

Açar sözlər:

Oxunub: 313