Fevralın ilk günü hava belə olacaq
14:30 31 Yanvar 2019
Bakıda və Abşeron yarımadasında fevralın 1-də havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz cənub küləyi ilə əvəz olunacaq.
Ekologiya və Təbii Sərvətlər Nazirliyinin Milli Hidrometeorologiya Departamentindən Femida.az-a verilən məlumata görə, havanın temperaturu Abşeron yarımadasında gecə 1-4, gündüz 8-11, Bakıda gecə 1-3, gündüz 9-11 dərəcə isti təşkil edəcək. Atmosfer təzyiqi 763 mm civə sütunu, nisbi rütubət gecə 70-80, gündüz 50-55 faiz olacaq.
Azərbaycanın rayonlarında sabah hava əsasən yağmursuz keçəcək. Lakin axşam bəzi qərb rayonlarında yağıntılı olacağı gözlənilir. Ayrı-ayrı yerlərdə duman olacaq. Qərb küləyi əsəcək. Havanın temperaturu gecə 0-5, gündüz 8-13 dərəcə isti, dağlarda gecə 0-5 dərəcə şaxta, gündüz 3-8 dərəcə isti təşkil edəcək.
Sinoptiklər bəzi bölgələrdə gözlənilən küləkli və yağıntılı hava şəraiti ilə bağlı xəbərdarlıq ediblər. Bakıda və Abşeron yarımadasında fevralın 2-3-də şimal-qərb küləyinin əsəcəyi, sürətinin saniyədə 15-18 metr olacağı, arabir 20 metrədək güclənəcəyi gözlənilir.
Azərbaycanın bəzi qərb rayonlarında fevralın 2-3-də hava şəraitinin qeyri-sabit keçəcəyi, arabir yağış yağacağı proqnozlaşdırılır. Yağışın ayrı-ayrı yerlərdə intensiv olacağı, qar yağacağı ehtimalı var. Qərb küləyi əsəcək, ayrı-ayrı yerlərdə sürəti arabir saniyədə 20-25 metrədək güclənəcək.
Femida.az
Oxunub: 406
Oxşar xəbərlər
- Fevralın 24-dən 3,5 milyondan çox şəxs Ukraynanı tərk edib
- Fevralın son günü hava mülayim olacaq
- Fevralın 15-dən kimlərin “Peyvənd sertifikatı” etibarsız sayılacaq?
- Fevralın 26-sı ABŞ-ın Minnesota ştatında Azərbaycan Günü elan edildi
- Fevralın 8-dən yaşı 65-dən yuxarı olan vətəndaşların peyvəndlənməsinə başlanılacaq
- Fevralın 26-da dərslər Xocalı soyqırımına həsr ediləcək
- Fevralın 27-ə manatın məzənnəsi
- Fevralın 25-nə manatın məzənnəsi
- Fevralın 8-ə manatın məzənnəsi
- Fevralın 12-dək yağış gözlənilir - Xəbərdarlıq