Daha bir qoca ailəsi tərəfindən küçəyə atıldı - Fotolar
15:30 01 Fevral 2019
Ötən gün axşam saatlarında yaralı halda olan qoca kişi çarəsiz şəkildə Bakı şəhəri, Yasamal rayonu Əbdürrəhim bəy Haqverdiyev küçəsində yerləşən supermarketlərdən birinə sığınıb.
Femida.az xəbər verir ki, qoca ac olduğunu və bir tikə yemək istədiyini bildirib.
Kimsəsiz şəxs adının Rəsulov İlqar Əhməd oğlu olduğunu bildirib. Psixoloji durumu yerində olmayan qocanın iddiasına görə, İsmayıllı rayonundandır və ailəsi qocaya baxmır. Bir müddət öncə ayağını yandıran qoca Bakı şəhərinə gətirilib. Ailəsi 10 gündən çoxdur ki, onu Bakıda Maştağa qəsəbəsində xəstəxanaya yerləşdirib, özləri isə geri qayıdıblar. Xəstəxanada müalicə alan qoca bir müddət sonra özbaşına xəstəxananı tərk edib.
Yaxınlıqda işləyən sakinlərin sözlərinə görə, qoca bir neçə gündür həmin ərazidə görünməyə başlayıb. Ayağı irinləyib, pis vəziyyətdədir, normal yeriyə bilmir. Yara müalicə olunmazsa, infeksiya düşmə ehtimalı böyükdür.
Marketdəki vətəndaşlar deyib ki, qocaya yardım edilməsi üçün polisə zəng ediblər.
Qeyd edək ki, qoca həm də Əfqanıstan veteranı olduğunu bildirib.
Amin Nəzərli
Femida.az
Oxunub: 1387
Oxşar xəbərlər
- Bakıda 72 yaşlı qocanı avtomobil vurub
- Qoca Səmədov müalicə müəssisəsinə köçürülüb
- “Qoca” ləqəbli avtoritetin cinayət ortağına hökm oxunub
- Bakıda “Gelandewagen” 65 yaşlı qocanı vurub
- Binəqədidə 65 yaşlı qoca döyülüb, vəziyyəti ağırdır
- Bakıda 70 yaşlı qoca yol-nəqliyyat hadisəsində xəsarət alıb
- ABŞ-da qocalar evində atışma olub, ölənlər var
- Xətaidə 80 yaşlı qoca yol qəzasında xəsarət aldı
- “Qocalar evi” və sığınacağın sakinləri də vaksinasiya olunur
- Vaqif Dərgahlı: “Şəxsi heyət çatışmazlığından əziyyət çəkən düşmən qocaları döyüşə göndərir”