Qida Təhlükəsizliyi Agentliyinə Aparat rəhbəri təyin olunub
15:08 04 Fevral 2019
Azərbaycan Respublikasının Qida Təhlükəsizliyi Agentliyində (AQTA) yeni təyinat olub.
Femida.az xəbər verir ki, Qida Təhlükəsizliyi Agentliyinin sədri Qoşqar Təhməzlinin müvafiq əmri ilə Zəkiyyə Mustafayeva AQTA-nın Aparat rəhbəri təyin edilib.
Zəkiyyə Mustafayeva 1968-ci ildə Bakı şəhərində anadan olub. Azərbaycan Tibb Universitetinin Pediatriya fakultəsini fərqlənmə diplomu ilə bitirib, daha sonra Xəzər Universitetində ictimai sağlamlıq ixtisası üzrə magistr dərəcəsi alıb. Hazırda London Universitetinin Gigiyena və Tropik Təbabət üzrə London Məktəbinin magistrantıdır.
Əmək fəaliyyətinə 1996-cı ildə başlayıb. 1996-2009-cu illərdə səhiyyə sahəsində dövlət və özəl müəssisələrdə, o cümlədən beynəlxalq təşkilatlarda inzibati vəzifələrdə işləyib. 2010-2018-ci illərdə Azərbaycan Respublikası Səhiyyə Nazirliyində Aparat rəhbəri vəzifəsində çalışıb.
Qeyd edək ki, Z. Mustafayeva Azərbaycan Respublikası Prezidentinin 13 iyun 2016-ci il tarixli Sərəncamı ilə səhiyyə sahəsində səmərəli fəaliyyətinə görə “Tərəqqi” medalı ilə təltif edilib.
Femida.az
Oxunub: 560
Oxşar xəbərlər
- Qida Təhlükəsizliyi İnstitutu ötən ili yarım milyon manat zərərlə başa vurub
- Qidalanmada yol verdiyimiz səhvlər
- Qida məhsullarının istehsalı artıb
- Qida Təhlükəsizliyi İnstitutu işçi axtarır
- Qida Təhlükəsizliyi İnstitutuna pul ayrılıdı
- Qida Təhlükəsizliyi Agentliyinin vəzifələri artırılıb
- Qida məhsullarında antibiotik təhlükəsi - MƏQALƏ
- Qida Təhlükəsizliyi İnstitutu işçi axtarır - VAKANSİYA
- Qida məhsullarının idxalının elektronlaşmasına start verilib
- Qida məhsullarını seçərkən nələrə diqqət etməliyik? - AQTA maarifləndirir