AMEA-nın əməkdaşlarına torpaq sahəsi ayrılıb
15:34 04 Fevral 2019
“Azərbaycan Milli Elmlər Akademiyasının (AMEA) əməkdaşlarının sosial vəziyyətinin yaxşılaşdırılması və istirahətinin təşkil edilməsi məqsədilə qurumun “Xızı” Kənd Təsərrüfatı İstehsalat Kompleksinin balansından torpaq sahəsi ayrılıb”.
Femida.az Report-a istinadən xəbər verir ki, bunu AMEA-nın İşlər idarəsinin müdir müavini Sərdar Əliyev deyib.
S.Əliyev bildirib ki, Xüsusi Komissiya yaradılıb, mütəxəssislər cəlb olunaraq ərazidə xəritələmə və sahə bölgüsü işləri aparılıb: “Akademiyanın elmi müəssisə və təşkilatlarının əməkdaşları üçün 63 hektar ərazidə hər biri 10 sot olmaqla 343 sahə ayrılıb”.
İdarə rəsmisi torpaq sahəsinin iki il müddətinə verilməsinin nəzərdə tutulduğunu, səmərəli istifadə ediləcəyi təqdirdə, müqavilənin uzadılacağını diqqətə çatdırıb: “Əməkdaşlara torpaq sahəsində müvəqqəti istifadə üçün daldalanacaq yerləri, vaqonlar quraşdırmağa, ərazini çəpərləməyə və ya metal torla bağlamağa icazə veriləcək”.
Ərazidə yaxın günlərdə yolların çəkilməsi prosesinə başlanılacağını deyən S.Əliyev sahələrdə bütün ekoloji tələblərə və sakitliyə təmiz riayət olunacağını söyləyib.
Femida.az
Oxunub: 672
Oxşar xəbərlər
- AMEA-nın keçmiş prezidenti vəfat edib
- AMEA-nın 41 yaşlı əməkdaşı qəfildən vəfat edib
- AMEA-nın strukturuna dəyişikliklər ediləcək
- AMEA-nın Ümumi Yığıncağı keçirilib, Ramiz Mehdiyevin istefası qəbul olunub
- AMEA-nın professoru vəfat edib
- AMEA-nın "Yüksək Texnologiyalar Parkı"nın Baş Planı təsdiq edilib
- AMEA-nın Tarix İnstitutuna direktor seçilib
- AMEA-nın şöbə müdiri vəfat edib
- AMEA-nın Nizamnaməsi dəyişdi
- AMEA-nın I vitse-prezidenti vəzifəsinə namizədlərin adları açıqlanıb