Elnur Hüseynzadə dövlətə xəyanət edib - RƏSMİ

Elnur Hüseynzadə dövlətə xəyanət edib - RƏSMİ


20:50     05 Fevral 2019 19_02_05_1549385551.jpg

Azərbaycan Respublikasının Hərbi Prokurorluğu Müdafiə Nazirliyinin "N" saylı hərbi hissəsinin sabiq hərbi qulluqçusu Elnur Hüseynzadə barədə məlumat yayıb.

Hərbi Prokurorluqdan Femida.az -a daxil olan məlumatda bildirilib:

"Ermənistanın kütləvi informasiya vasitələrində Azərbaycan Respublikası Müdafiə Nazirliyinin "N" saylı hərbi hissəsinin sabiq hərbi qulluqçusu Hüseynzadə Elnur Elman oğlu barədə bəzi məlumatlar yayılıb.

Bununla bağlı bildiririk ki, Elnur Hüseynzadə 01 fevral 2017-ci il tarixdə Goranboy rayonunun Tap-Qaraqoyunlu kəndi ərazisindən düşmən tərəfinə keçmişdir. Həmin faktla görə 2 fevral 2017-ci il tarixdə Elnur Hüseynzadə barəsində Azərbaycan Respublikası Hərbi Prokurorluğunda Cinayət Məcəlləsinin 274-cü maddəsi ilə (dövlət xəyanət) cinayət işi başlanmışdır.

17 fevral 2017-ci il tarixdə Elnur Hüseynzadənin həmin maddə ilə təqsirləndirilən şəxs qismində cəlb edilməsi haqqında qərar qəbul edilmiş və barəsində məhkəmənin qərarı ilə həbs qətimkan tədbiri seçilməklə axtarış elan edilmişdir.

Həmçinin bildiririk ki, Elnur Hüseynzadə xidmət müddətində intizamsız davranışı ilə seçilmiş,mənfi xarakterizə olunmuş və dəfələrlə xidmət yerini özbaşına tərk etmişdir".

Femida.az

Açar sözlər:

Oxunub: 747