Zəlzələ Ağsuya nə qədər ziyan vurdu? - İcra başçısı açıqladı
10:20 06 Fevral 2019
Zəlzələ nəticəsində Ağsu rayonunda bəzi evlərdə yüngül çatlar əmələ gəlib.
Femida.az bildirir ki, bu barədə Trend-ə açıqlamasında Ağsu Rayon İcra Hakimiyyətinin başçısı Ənvər Seyidəliyev deyib.
İcra başçısı bildirib ki, hazırda həmin ərazilərdə araşdırma aparılır: "Hadisə ilə bağlı rayonun Fövqəladə Hallar Komissiyası araşdırma aparır. Hələ ki çatlar barədə dəqiq məlumatlar yoxdur. İcra Hakimiyyətinə daxil olan məlumatda rayonun Dilman və Kalva kəndlərində 45, Qaraqaşlı kəndində 1, Daşdəmirbəyli kəndində isə 2 evdə köhnədən yaranmış çatlarda genişlənmə olduğu deyilir. Hazırda hadisə yerindəyik. Həmin evlərdə baş verən çatların zəlzələdən əvvəl, ya sonra olduğu müəyyənləşdirilir. Komissiyanın araşdırmalarından sonra ictimaiyyətə məlumat veriləcək".
İcra başçısı bildirib ki, çatların əmələ gəldiyi deyilən evlərin yerləşdiyi Kalva və Dilman kəndləri sürüşmə zonasında yerləşir: "Orada əvvəllər sürüşmə nəticəsində evlərdə xırda çatlar yaranmışdı. Ola bilər ki, həmin çatlar zəlzələ nəticəsində nisbətən böyüyüb. Dağıntı isə yoxdur".
Xatırladaq ki, dünəndən indiyədək 5 zəlzələ qeydə alınlıb. İlkin zəlzələ yerli vaxtla 23.19-da Pirqulu stansiyasından 7 km cənubda Ağsu ərazisində 4,4 bal gücündə qeydə alınıb. Yeraltı təkanların ocağı 10 km dərinlikdə yerləşib. Həmin zəlzələ episentrdə 5 bala yaxın, ətraf rayonlarda 4,3 bala qədər hiss olunub. Sonuncu zəlzələ isə saat 04.25-də Pirqulu stansiyasından 9 km cənub-qərbdə İsmayıllı ərazisində zəlzələ qeydə alınıb. Həmin zəlzələlərin 3-ü hiss edilən olub. Sonuncu iki zəlzələ isə hiss edilməyib.
Femida.az
Oxunub: 489
Oxşar xəbərlər
- Lənkəran Şəhər İcra Hakimiyyətində əməliyyat keçirilib, saxlanılanlar var
- Cəlilabadın icra başçısının müavini işdən çıxarılıb
- Zəngəzur dəhlizinin tikintisi 57 faiz icra olunub
- Kürdəmirin sabiq icra başçısı və digər vəzifəli şəxslərin cəzası azaldılıb
- Milli Müdafiə Universitetinin rektoru vəzifəsini icra edən şəxs məlum olub
- Prokuror Cəlilabadın sabiq icra başçısına 13 il həbs cəzası istəyib
- Göyçay Rayon İcra Hakimiyyətinin vəzifəli şəxsləri ev dustaqlığına buraxılıb
- Əfv sərəncamının icrasına başlanılıb
- Sabiq icra başçısı Saleh Rüstəmov əfv edilib
- Həbsdə olan icra başçısının tenderlərdən əldə etdiyi vəsaitlər məlum olub