Dəm qazı daha iki can aldı
16:18 06 Fevral 2019
Masallı rayonunun Boradigah qəsəbəsində dəm qazından Nurullayevlər ailəsinin iki üzvü ölüb, birinin vəziyyəti isə ağırdır.
Bakı şəhərində yaşayan, 55 yaşlı Hənifə Nurullayev, onun həyat yoldaşı 45 yaşlı Elnurə Zülfüqarova və onların övladı 20 yaşlı Əli Nurullayev qəsəbədə olan evlərinə gəliblər. Ailənin üzvləri uzun müddət evdə yaşamadıqları üçün evi isitməkdən ötrü yolüstü İran İslam Respublikasının istehsalı olan qaz sobası alıblar. Sobanı evdə quraşdırıb, tüstü borusunu tüstü bacasına qoşaraq yatıblar. Evin tüstü bacasında quş yuva qurduğundan sobadan çıxan dəm qazı evə dolub. Nəticədə, ailə üzvləri boğulub.
Nurullayevlərin qəsəbəyə gəlişindən xəbər tutan qohumları günorta saatlarında onların mobil telefonlarına zəng ediblər. Telefona cavab verilmədiyi üçün evə gələrək, qonşuların köməyi ilə balkondan mənzilə daxil olublar. Evə daxil olduqda isə Hənifə Nurullayevin və Elnurə Zülfüqarovanın öldüyü, Əli Nurullayevin isə vəziyyətinin ağır olduğu aşkarlanıb.
Əli Nurullayev Masallı Mərkəzi Rayon Xəstəxanasına çatdırılaraq reanimasiya şöbəsinə yerləşdirilib.
Xəstəxanadan verilən məlumata əsasən, 20 yaşlı gəncin vəziyyəti ağır olduğundan Bakıya göndərilib.
Faktla bağlı araşdırmalar aparılır.(AZƏRTAC)
Femida.az
Oxunub: 604
Oxşar xəbərlər
- Dəməşqdə hərbçiləri daşıyan avtobus partladılıb, ölən və yaralananlar var
- Dəmir yolunda məhdudiyyətlər tətbiq edilib
- Dəmir yolundan oğurluq edən şəxslər saxlanıldı
- Dəmiryolu stansiyasından oğurluq edən şəxs tutuldu
- Dəmir Yollarında işə qəbul prosesi tamamilə məsafədən keçiriləcək
- Dəmir yolu işçiləri və energetiklər də təltif edildi
- Dəmir yol təmirçisi faciəvi şəkildə öldü
- Dəmir yollarından oğurluq edilib
- Dəmir yolu stansiyasında partladıcılar tapılıb
- Dəmiryolu vağzalının qarşısında ölüm hadisəsi baş verib