Həbsxanaya telefon keçirmək istədi, yaxalandı
11:18 07 Fevral 2019
Ədliyyə Nazirliyi Penitensiar Xidmətin əməliyyat aparatının həyata keçirdiyi əməliyyat-axtarış tədbirləri nəticəsində 2 saylı İstintaq təcridxanasına və Müalicə müəssisəsinə qadağan olunmuş əşyaların keçirilməsi cəhdinin qarşısı alınıb.
Xidmətin İctimaiyyətlə əlaqələr şöbəsindən Femida.az-a verilən məlumata görə, Cinayət Məcəlləsinin 234.4.3-cü maddəsinə əsasən həbs edilmiş və 2 saylı İstintaq təcridxanasında saxlanılan şəxs Həsənpur Şahid Əbülfəz oğluna bacısı Gəncə şəhər sakini Həsənpur Şadiman Əbülfəz qızı tərəfindən gətirilən sovqata baxış keçirilən qabda olan qarabaşaq yeməyinin içərisində xüsusi üsulla gizlədilmiş “Samsung” markalı mobil telefon aparatı aşkar edilib.
Cinayət Məcəlləsinin 263-1.3; 264, 66.3 və 66.4-cü maddələrinə əsasən 8 il müddətinə azadlıqdan məhrum edilmiş və Müalicə müəssisəsində saxlanılan məhkum Yekəyev Elçin Həsrət oğlu ilə qısamüddətli görüşə gəlmiş həyat yoldaşı Yekəyeva Məhluqə Vahab qızının üzərinə baxış keçirilən zaman əlində olan sellofan bükülüdə 1.504 qram marixuana aşkar edilib. Hər iki faktla bağlı araşdırma aparılır.
Femida.az
Oxunub: 497
Oxşar xəbərlər
- Həbsxanaya poçt vasitəsilə narkotik keçirmək istədi
- Həbsxanaya göy soğanın içində narkotik keçirmək cəhdinin qarşısı alınıb - FOTO
- Həbsxanaya narkotik keçirmək istəyən qadın saxlanıldı
- Həbsxanaya ayaqqabının içərisində narkotik keçirilməsinin qarşısı alınıb
- Həbsxanaya narkotik keçirmək istəyənlər saxlanıldı
- Həbsxanaya spirtli maddə keçirmək istədi
- Həbsxanaya görüşə gəldi, özü həbsə düşdü
- Həbsxanaya “İPhone” keçirmək istədi