İran ABŞ-la danışıqlara hazırdır
18:10 13 Fevral 2019
İran İslam Respublikası qarşılıqlı hörmət çərçivəsində Vaşinqtonla müzakirələrə hazırdır. Azvision.az “Tasnim” agentliyinə istinadən xəbər verir ki, bunu İran prezidenti Həsən Ruhani nazirlər kabinetinin iclasında deyib.
Bildirib ki, ABŞ-ın iqtisadi sanksiyaları İran xalqına qarşı təzyiq məqsədi daşıyır və Tehran bu cür təzyiqlərə boyun əyməyəcək. Lakin əgər Vaşinqton obyektiv danışıqlar aparmağa hazırdırsa, Tehran müzakirələrə açıqdır.
“İran heç vaxt məcburiyyət, təzyiq və milli maraqlarına hörmətsizliyi qəbul etməyəcək. İran xalqı bir daha öz ləyaqəti, müstəqilliyi və nüfuzunu qoruyacaq və düşmənə təslim olmağı rədd edəcək. Çünki təslimin sonu olmur. Əgər xalqımız ABŞ-a təslim olsa, onda həmişəlik güzəştlər etməlidir. Bu isə ölkəmizdən, şərəfimiz, müstəqilliyimiz və kimliyimizdən imtina deməkdir. Amma biz həm də dialoq, söhbətləşmək tərəfdarıyıq. Əgər kimsə beynəlxalq hüquq və qaydalara hörmət əsasında hansısa konkret məsələ ilə bağlı bizimlə danışmaq və dialoq aparmaq istəyirsə, biz də müzakirələrə hazırıq” – Ruhani vurğulayıb.
Oxunub: 402
Oxşar xəbərlər
- İran Məsləhət Şurasının yeni tərkibi təsdiqlənib, Həsən Ruhani siyahıya daxil edilməyib
- İrandan Azərbaycana 53 kq-a yaxın narkotikin gətirilməsinin qarşısı alınıb
- İranın Milli Təhlükəsizlik üzrə Ali Şurasının katibi Azərbaycana gəlir
- İranda məcburi hicaba qarşı kampaniya başlayıb
- İranda yol qəzası olub, 14 nəfər ölüb
- İranın nüvə müəssisənin daha bir əməkdaşının meyiti aşkarlanıb
- İranın neft naziri Azərbaycana səfər edəcək
- İranın tanınmış din xadimi vəfat edib
- İranla İraq arasında diplomatik gərginlik artır
- İran Cəbrayılda xəstəxana tikəcək