Mehriban Əliyeva Gəncə Xan bağında gənclərlə görüşdü
21:19 14 Fevral 2019
Azərbaycan Respublikasının Birinci vitse-prezidenti Mehriban Əliyeva və Heydər Əliyev Fondunun vitse-prezidenti Leyla Əliyeva fevralın 14-də Gəncənin görməli yerlərindən biri olan "Xan bağı" mədəniyyət və istirahət parkında sakinlərlə görüşüblər.
Femida.az AZƏRTAC-a istinadən bildirir ki, Azərbaycanın Birinci vitse-prezidenti Mehriban Əliyevaya "Xan bağı"nın simasının tamamilə dəyişdiyi barədə məlumat verildi.
Qafqazın ən qədim parklarından biri, yaşı 200-dən çox olan "Xan bağı"nda aparılan yenidənqurma işləri ilk dəfə məhz Prezident İlham Əliyevin tapşırığı ilə həyata keçirilib. Parkda müxtəlif ölkələrdən gətirilmiş ağaclar, dekorativ kollar əkilib. Burada fəvvarələr, müasir işıqlandırma sistemi quraşdırılıb, Venesiya guşəsi yenidən qurulub, 350 yerlik yaşıl teatr inşa olunub. Xalq şairi Nigar Rəfibəylinin heykəli və Sovet İttifaqı Qəhrəmanı İsrafil Məmmədovun qəbirüstü abidəsi də yeni görkəm alıb.
"Xan bağı" bitki florasının zənginliyinə görə bütün ölkədə məşhurdur. Ağacların növ tərkibi yerli cinslər hesabına artırılıb. Daxilində xiyabanlar salınıb, yay teatr binası, müxtəlif istirahət guşələri yaradılıb. Parkın yaraşıqlı yerlərindən biri də onun mərkəzində yerləşən əzəmətli çinar xiyabanıdır. Cərgələnən çinarlar arasında su hovuzları və fəvvarələr quraşdırılıb.
Sonra Birinci vitse-prezident Mehriban Əliyeva Gəncə şəhər ictimaiyyətinin nümayəndələri ilə görüşdü.
Femida.az
Oxunub: 657
Oxşar xəbərlər
- Mehriban Əliyeva Azərbaycan xalqını təbrik edib
- Mehriban Əliyeva Azərbaycan xalqını təbrik edib
- Mehriban Əliyeva Konstitusiya Günü ilə əlaqədar paylaşım edib
- Mehriban Əliyeva Dövlət Bayrağı Günü münasibətilə paylaşım edib
- Mehriban Əliyeva Azərbaycan xalqını təbrik edib
- Mehriban Əliyeva Ağalı kəndindən fotolar paylaşıb
- Mehriban Əliyeva Zəngilanın Ağalı kəndindən fotolar paylaşıb
- Mehriban Əliyeva Zəngilan səfərindən görüntü paylaşıb
- Mehriban Əliyeva Zəngilan səfəri ilə bağlı paylaşım edib - VİDEO
- Mehriban Əliyevadan Milli Musiqi günü ilə bağlı paylaşım