Bayram yarmarkası təşkil olunacaq - Tarixi və yeri açıqlandı
11:48 15 Fevral 2019
Martın 15-dən 21-nə qədər Bakıda bayram yarmarkası təşkil ediləcək. Yarmarkada Bakı sakinlərinə meyvə-tərəvəz, müxtəlif çərəzlər, qablaşdırılmış məhsullar, ət və süd məhsulları, bal və s. təklif ediləcək.
Kənd Təsərrüfatı yanında Aqrar Ticarət Şirkətindən verilən məlumata görə, yarmarka 28 May, Nizami küçəsi 154 B ünvanında baş tutacaq.
Yarmarkanın keçirilməsində məqsəd həm paytaxt əhalisinin kənd təsərrüfatı və ərzaq məhsullarına artan tələbatının daha yaxşı ödənilməsi, istehlakçıların seçim imkanlarının artırılması, eyni zamanda süni qiymət artımının qarşısını almaqdır.
İstiliklə təchiz olunan yarmarkada iştirakçılar xüsusi xalat, piştaxtalar və tərəzilərlə təmin ediləcək, məhsulların qida təhlükəsizliyi standartlarına uyğunluğu yoxlanılacaq. Ötən dəfə olduğu kimi, bu dəfə də fermerlər yarmarkada tam ödənişsiz iştirak edə biləcəklər.
Aqrar Ticarət Şirkətinin mətbuat xidmətinin rəhbəri Mayis Musayev bildirib ki, Azərbaycan Qida Təhlükəsizliyi Agentliyi ilə əldə edilmiş razılığa əsasən, yarmarka ərazisində Qida Təhlükəsizliyi İnstitutunun səyyar laboratoriyası fəaliyyət göstərəcək. Məhsullar laboratoriya yoxlamasından keçirildikdən sonra satışa buraxılacaq.
“Yarmarkada 110 fermerin iştirak etməsi nəzərdə tutulub. Məhsulların qiymətləri isə tələb-təklif əsasında formalaşacaq”.
Qeyd edək ki, yarmarkada iştirak etmək istəyən fermerlər fevralın 15-dən martın 7-dək Dövlət Aqrar Ticarət Şirkətinin rəsmi saytı vasitəsilə (https://agrotrade.gov.az/az/fair) və ya 050 400 88 99 nömrəsinə zəng etməklə qeydiyyatdan keçə bilər. Bundan başqa, fermerlər öz rayonunda yerləşən Dövlət Aqrar İnkişaf Mərkəzinə də müraciət edə bilərlər.
Femida.az
Oxunub: 461
Oxşar xəbərlər
- Bayram günlərində yol qəzalarında 6 nəfər ölüb
- Bayram günlərində 142 nəfər zəhərlənib, onlardan biri ölüb
- Bayram günlərində yol qəzalarında 4 nəfər ölüb, 9 nəfər xəsarət alıb
- Bayramda restoranlara nəzarət gücləndiriləcək
- Bayramda rayona getmək istəyənlərin diqqətinə - VİDEO
- Bayramda qaz problemi olmayacaq
- Bayram günlərində ictimai nəqliyyat işləməyəcək
- Bayram namazının vaxtı açıqlanıb
- Bayramov və Çavuşoğlu Qarabağdakı son prosesləri müzakirə ediblər
- Bayram günlərində yol qəzalarında 15 nəfər ölüb