Nazir Neftçalada: Özünüməşğulluq proqramına cəlb olunan işsizlərlə görüşdü - Fotolar
16:29 15 Fevral 2019
Əmək və əhalinin sosial müdafiəsi naziri Sahil Babayev Neftçala rayon İcra Hakimiyyətinin başçısı İsmayıl Vəliyevlə birgə özünüməşğulluq proqramı çərçivəsində yaradılmış ayrı-ayrı ailə təsərrüfatlarına baxış keçiriblər.
Femida.az xəbər verir ki, 2018-ci ildə Neftçala rayonunda əvvəlki illə müqayisədə 7 dəfə çox olmaqla 91 nəfər işsiz və işaxtaran şəxs özünüməşğulluq proqramına cəlb edilib. Həmin şəxslərdən 89 nəfəri biznes-planlarını uğurla müdafiə edərək proqramın iştirakçısı olub. Onlardan artıq 63 nəfərə proqram əsasında mal və materiallar verilib və qalan şəxslərin də mal və materiallarla təminatı davam edir. Verilmiş aktivlər hesabına yaradılan təsərrüfatların böyük əksəriyyəti heyvandarlıq, qalan hissəsi isə xidmət sahələri üzrədir.
S.Babayev proqram iştirakçıları ilə görüşündə Azərbaycan Respublikasının Prezidenti cənab İlham Əliyevin müvafiq Sərəncamına əsasən icra olunan özünüməşğulluq proqramının aztəminatlı ailələrin kiçik ailə biznesinə çıxışına imkan yaratdığını vurğulayıb.
O bildirib ki, ötən il əhatə dairəsi 6,5 dəfə genişləndirilməklə 7,3 minədək şəxsin cəlb edildiyi proqram üzrə bu il də 7-8 min ailənin kiçik ailə təsərrüfatının yaradılması nəzərdə tutulur. Nazir proqram iştirakçılarının onlara yaradılmış bu imkandan düzgün və səmərəli istifadə edərək, qısa müddətdə öz təsərrüfatlarını genişləndirəcəklərinə əminliyini ifadə edib.
Baxış zamanı proqram çərçivəsində qurulmuş təsərrüfatların normal şəkildə idarə edildiyi, proqram iştirakçılarının öz yeni yaradılmış təsərrüfatlarını inkişaf etdirmək üçün səylə çalışdıqları müşahidə edilib.
Özünüməşğulluq proqramı iştirakçıları aztəminatlı ailələrin rifah halının yaxşılaşdırılması, onlara sahibkarlığa çıxış imkanı yaradılması üçün aparılan işlərə, bu sahədə xüsusi önəm kəsb edən özünüməşğulluq proqramının həyata keçirildiyinə görə Azərbaycan Respublikasının Prezidenti cənab İlham Əliyevə dərin minnətdarlıqlarını bildiriblər.
Femida.az
Oxunub: 662
Oxşar xəbərlər
- Məşhur idmançılar Prezidentə müraciət etdi +VİDEO
- Şuşanın adını daşıyan "Xarı Bülbül" komandası dağılır - Sponsor niyə tapılmır?
- "Valideynlər məktəbli formalarını istədikləri satış məntəqələrindən ala bilərlər" - DİREKTOR
- Heydər Əliyevin mühafizəçisi nələri danışdı? - VİDEO
- Ermənilər əsgərimizə görün nə edib - 18+VİDEO
- Mətbuatda şikayəti yayımlanan vətəndaş niyə həbs olunub? - DİN-DƏN AÇIQLAMA
- Fazil Mustafa harada güllələnib? - ƏRAZİDƏN VİDEO
- Hər şey ən xırda detalına qədər görünür. Neo QLED 8K haqqında bir neçə söz
- Samsung Neo QLED 8K ilə evinizə böyük futbolu gətirin (FOTOLAR)
- Bakıda yolların yenidən qurulmasına 4,23 milyon manat ayrılıb - SƏRƏNCAM