Ukraynada “Lotu Quli”nin adamları saxlanıldı - 300 pasport və silahlarla
13:20 17 Fevral 2019
Ukraynanın Odessa şəhərində güc strukturlarının apardığı əməliyyat tədbirləri çərçivəsində qanuni oğru "Lotu Quli"nin (Nadir Səlifov) 3 adamı saxlanılıb.
Femida.az Qaynarinfo-ya istinadla xəbər verir ki, onlar ötən ilin dekabrın 13-də iş adamı Nikolay D.-yə sui-qəsd təşkil etməkdə ittiham olunurlar. Boz rəngli Latviya seriyalı Mercedes markalı avtomobildə olan iş adamına yaxınlaşan 4 şəxs atəş açaraq, ona məxsus 700 min qrivna (təxminən 26 min dollar) və 23 min dollar pulunu əlindən alıblar. İnsident zamanı yaralanan biznesmen xəstəxanaya aparılıb. Onun özü də saxta pul saxlamaq, istehsal etmək və satmaqda ittiham olunur.
Hüquq mühafizə orqanlarının əməkdaşları biznesmenin evinə baxış keçirərkən 20 min dollar dəyərində olan saxta 100 dollarlar tapıblar.
Həmin gün polis hadisə yerinin yaxınlığında iş adamına hücum edən şəxslərin avtomobilini tapıb. Aparılan istintaq tədbirləri nəticəsində cinayəti törətməkdə şübhəli bilinən 3 nəfər saxlanılıb.
Həmçinin kriminal dəstə üzvlərinin 8 məkanına basqın edilib. Oradan 2 ədəd avtomat, 1 ədəd səsboğucusu olan tapança, 2 ədəd vinçestr silahı, saiqa karbini, müxtəlif çaplı patronlar, kommunikasiya avadanlıqları və İsrail, Türkiyə, Özbəkistan, ABŞ, Rusiya və Moldovaya aid 300-dən çox xarici pasport ələ keçirilib.
Saxlanılan şəxslərin Nadir Səlifovun (Lotu Quli) klanının üzvləri olduğu bildirilir.
Qeyd edək ki, Səlifovun klanı Ukraynada kriminal aləmə nəzarət edir. Türkiyədə yaşayan Lotu Quli nümayəndələri vasitəsilə orada fəaliyyət göstərir. Ukrayna polisi isə zaman-zaman onları saxlayır və deportasiya edir. Sonuncu belə hadisə yanvarın sonlarında Maripul şəhərində baş vermişdi. 45 nəfərin iştirak etdiyi məclisə polis basqını olmuş və 1 nəfər saxlanılmışdı. Odessada cinayət aləminə nəzarət uğrunda "Lotu Quli"nin klanı ilə gürcüstanlı qanuni oğru Antimoz Kuxilovun klanı arasında mübarizə gedir.
Oxunub: 907
Oxşar xəbərlər
- Ukraynada müharibə zamanı həlak olan mülki şəxslərin sayı açıqlanıb
- Ukraynada rəqibini ödürən keçmiş deputat 15 il müddətinə həbs edilib
- Ukraynada raket zərbələri nəticəsində azərbaycanlı ailə həlak olub
- Ukraynada müharibədə 338 uşaq ölüb
- Ukraynada saxlanılan rusiyalı hərbi əsirlərin sayı açıqlanıb
- Ukraynada beynəlxalq legionun bir neçə döyüşçüsü həlak olub
- Ukraynada Rusiyanın təcavüzünü dəstəkləyənlərin əmlakı müsadirə olunacaq
- Ukraynada nə baş verir?
- Ukraynada ağır yol qəzası zamanı ölənlərin sayı 27 nəfərə çatıb
- Ukraynada 14 yaşlı ağırlıqqaldıran həlak olub