Elşad İsgəndərovun Türkiyəyə girişi qadağan olunub
13:18 20 Fevral 2019
Xarici İşlər Nazirliyinin İslam Əməkdaşlıq Təşkilatı və İƏT qurumları ilə əməkdaşlığına məsul Xüsusi Tapşırıqlar üzrə səfiri Elşad İsgəndərovun Türkiyəyə girişi qadağan edilib.
Femida.az Qafqazinfo-ya istinadən xəbər verir ki, bu barədə qərar İslam Əməkdaşlıq Təşkilatının yanvarın 15-də keçirilən toplantısında qalmaqallı açıqlamadan sonra verilib. Belə ki, tədbir zamanı Körfəz ölkələrindən birini təmsil edən, adı açıqlanmayan səfirlərdən biri “Azərbaycan Xarici İşlər Nazirliyindən olan səlahiyyətli şəxs bizim ölkənin Bakıdakı səfirliyinə gələrək Türkiyənin bizə qarşı təxribat hazırladığını söyləyib” deyərək izahat tələb edib. Onun bu sözlərindən sonra Azərbaycanın İslam Əməkdaşlıq Təşkilatı yanında daimi nümayəndəsi Şahin Abdullayev məsələni Azərbaycanda aidiyyatlı qurumlara məruzə edəcəyini bəyan edib.
Türkiyə mediası bildirir ki, Azərbaycan adından xarici səfirliyə məlumat verən şəxsin Elşad İsgəndərovun olduğu ortaya çıxandan sonra onun Türkiyəyə giriş və səyahətinə qadağa qoyulub.
“Qafqazinfo” məsələ ilə bağlı Azərbaycan Xarici İşlər Nazirliyi ilə əlaqə saxlayıb. XİN-dən bildirilib ki, bununla bağlı günün ikinci yarısında rəsmi açıqlama veriləcək.
Femida.az
Oxunub: 475
Oxşar xəbərlər
- Elşad Hacıyev təltif edildi
- Elşad Hacıyevə DİN-də yüksək vəzifə verildi
- Elşad Hacıyevi ölümlə hədələyən şəxsə hökm oxundu
- Elşad Hacıyevi ölümlə hədələyən şəxsin cinayət işi məhkəməyə göndərilib
- Elşad Əhmədov istefa verdi
- Elşad İskəndərovun Türkiyə girişinə qadağa qoyulub? - XİN-dən rəsmi açıqlama
- Elşad İskəndərova yeni vəzifə verildi
- Elşad Miraləm vəzifəsindən azad edildi