Qatil cəzasının yüngülləşdirilməsini istəyir - Apellyasiya
17:11 06 Aprel 2015
Bakı Apellyasiya Məhkəməsində qəsdən adam öldürməkdə təqsirləndirilən 17 yaşlı Vüqar Yunisovun apellyasiya şikayəti əsasında məhkəmə prosesi başlayıb.
Femida.az-ın xəbərinə görə, ilkin baxış iclasında təqsirləndirilən şəxsin anket məlumatı dəqiqləşdirilib. Prosesin baxış iclası aprelin 10-na təyin edilib.
Qeyd edək ki, ötən il mayın 6-da 1951-ci il təvəllüdlü Əhmədov Vahid Cəbrayıl oğlunun Bakı şəhərinin Yasamal rayonunda kirayədə yaşadığı evdə çoxsaylı kəsilmiş-deşilmiş xəsarətləri olan meyiti aşkar edilib. Faktla bağlı Yasamal rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Cinayəti törətmiş şəxsin, hadisənin şahidlərinin müəyyən edilməsi istiqamətində əməliyyat-axtarış tədbirləri həyata keçirilib. Nəticədə cinayətin 1997-ci il təvəllüdlü Yunusov Vüqar Rəşid oğlu tərəfindən törədildiyi müəyyən edilib və o, şübhəli şəxs qismində saxlanılıb. Ağır Cinayətlər Məhkəməsinin hökmü ilə V. Yunisov 7 il müddətinə azadlıqdan məhrum edilib.
Onu da qeyd edək ki, öldürülən V. Əhmədov sabiq polis əməkdaşı olub. (APA)
Femida.az
Oxunub: 386
