Evi yanan köçkünlərə yeni mənzillər təklif ediləcək
16:37 20 Fevral 2019
Bu gün səhər Bakı şəhərinin Sabunçu rayonunda, Zabrat qəsəbəsi ərazisində beş məcburi köçkün ailəsinin müvəqqəti məskunlaşdığı birmərtəbəli tikilidə yanğın baş verib.
Qaçqınların və Məcburi Köçkünlərin İşləri üzrə Dövlət Komitəsinin Mətbuat xidmətindən Femida.az -a bildirilib ki, yanğın barədə məlumat alandan dərhal sonra Dövlət Komitəsinin məsul əməkdaşları hadisə yerində olublar. Yanğın nəticəsində müvəqqəti məskunlaşma yerləri yararsız vəziyyətə düşən məcburi köçkünlər siyahıya alınıblar.
Hazırda yanğının başvermə səbəbləri Fövqəladə Hallar Nazirliyinin əməkdaşları tərəfindən araşdırılır. Yanğının tikilidəki boş otaqlardan birində başlanması müəyyən şübhələrə əsas verir. Yalnız obyektiv araşdırmadan sonra, Fövqəladə Hallar Nazirliyinin rəyi əsasında hadisəyə hüquqi qiymət veriləcək.
FHN-nin məlumatına görə, ümumi sahəsi 1140 kvadratmetr olan, arakəsmələri taxta konstruksiyalardan ibarət tikilinin yanar konstruksiyaları 670 kvadratmetr sahədə yanıb. Tikilinin qalan hissəsi yanğından mühafizə olunub.
Dövlət Komitəsi yanğından zərər çəkən ailələrə Qaradağ rayonu ərazisində məcburi köçkünlər üçün salınmış “Ümid” qəsəbəsində yeni mənzillər təklif edəcək.
Oxunub: 317
Oxşar xəbərlər
- Evi tərk edən koronavirus xəstəsinə cinayət işi açıldı
- Evində toy edənlərə cəza kəsdilər - FOTO
- Evində 85 nəfərlik toy edən şəxs cərimələnib
- Evi tərk edən koronaviruslu şəxslərə bu halda cinayət işi açmaq olmaz - Vəkildən ŞƏRH
- Evini tərk edən daha 4 koronavirus xəstəsinə cinayət işi başlandı
- Evi tərk edən 29 aktiv koronavirus xəstəsi müəyyən edilərək saxlanılıb
- Evini qanunsuz tərk edən koronavirus xəstəsinə cinayət işi açıldı - VİDEO
- Evinin həyətindən 8 kilodan çox narkotik bitki tapıldı - FOTO
- Evini satanlar üçün vergilər yeni qaydada hesablanacaq
- Evini sığorta etdirməyənləri 30 manat cərimə gözləyir - DİQQƏT!