Leyla Şıxlinskayanın pulunu mənimsəməkdə təqsirləndirilən şəxslərə hökm oxundu
10:52 22 Fevral 2019
“Leyla Şıxlinskaya” klinikasında baş mühasib işləmiş Şəhla Abbasova, mühasib Səkinə Əfəndiyeva, klinikanın əməkdaşları Polad Əliyev, Səkinə Qasımova, Aytən Hüseynova, Mədinə Hüsiyeva, Yelena Abdullayevanın cinayət işi üzrə məhkəmə prosesi başa çatıb.
Femida.az xəbər verir ki, bu gün Bakı Ağır Cinayətlər Məhkəməsində hakim Əfqan Hacıyevin sədrliyi ilə baş tutan prosesdə hökm elan edilib.
Hökmə əsasən, təqsirləndirilən şəxslərin barəsində Cinayət Məcəlləsinin 70-ci (şərti məhkum etmə) maddəsi tətbiq edilib. Onların cəzaları şərti hesab edilib.
İstintaq zamanı təqsirləndirilən şəxslərin barəsində həbs-qətimkan tədbiri seçilməmişdi. Onlar polis nəzarəti altında saxlanılırdı.
Qeyd edək ki, prokuror Şəhla Abbasovanın 9 il, Yelena Abdullayevanın 2 il, Səkinə Qasımova, Aytən Hüseynova, Mədinə Hüseyevanın isə 5 il müddətinə azadlıqdan məhrum edilməsini və məhkəmə iclas zalından həbsə alınmasını istəyib.
“Leyla Şıxlinskaya” klinikasında baş mühasib işləyən Şəhla Abbasova, mühasib Səkinə Əfəndiyeva, klinikanın əməkdaşları Polad Əliyev, Səkinə Qasımova, Aytən Hüseynova, Mədinə Hüsiyeva, Yelena Abdullayeva Cinayət Məcəlləsinin 179.3.2-ci (külli miqdarda mənimsəmə və ya israf etmə) və 313- cü (vəzifə saxtakarlığı) maddələri ilə ittiham olunurlar.
Cinayət işi Baş prokurorluq yanında Korrupsiyaya qarşı Mübarizə Baş İdarəsində araşdırılıb.
Xatırladaq ki, “Leyla Şıxlinskaya” klinikasının keçmiş baş mühasibi Şəhla Abbasova 4 il əvvəl Leyla Şıxlinskaya ilə mübahisəyə görə işdən ayrılıb.
Leyla Şıxlinskaya hüquq-mühafizə orqanlarına müraciət edərək, keçmiş işçilərinin 804 min 343 manat vəsaiti ələ keçirməkdə ittiham edib.
“Leyla Şıxlinskaya” klinikasında aparılan araşdırmalar zamanı müəssisənin rəhbəri Leyla Şıxlinskayanın 8 milyon manat vergidən yayındığı aşkarlanıb.
Hazırda Vergilər Nazirliyinin istintaq idarəsində araşdırma aparılır.
Femida.az
Oxunub: 431
Oxşar xəbərlər
- Leyla Abdullayeva Ermənistan XİN-ə cavab verib
- Leyla Abdullayeva Ermənistan XİN-ə cavab verib
- Leyla Abdullayeva İran səfiri ilə görüşüb
- Leyla Abdullayeva Pakistanın Azərbaycandakı səfiri ilə görüşüb
- Leyla Əliyevanın iştirakı ilə abadlaşdırılan növbəti həyətin açılışı olub
- Leyla Abdullayevadan Ermənistan XİN-in bəyanatına cavab
- Leyla Əliyeva Azərbaycan xalqını təbrik etdi
- Leyla Əliyevanın şeir kitabının təqdimatı olub
- Leyla Abdullayeva Ermənistan XİN-ə cavab verdi
- Leyla Abdullayeva Ermənistan XİN-ə cavab verib