Xocalı soyqırımı ilə bağlı film nümayişi başlayıb - Kaliforniyada
11:00 23 Fevral 2019
ABŞ-ın Kaliforniya ştatında Xocalı faciəsinin dəhşətlərindən bəhs edən sənədli filmin yerli telekanallarda nümayişinə başlanılıb.
Bu barədə Femida.az-a Azərbaycanın Los Ancelesdəki Baş Konsulluğundan məlumat verilib.
“Zülmətdən Qaçarkən” (Running from the Darkness) filmi 2017-ci ildə Los Anceles şəhərində amerikalı kinematoqraflar tərəfindən istehsal olunmuş və ABŞ-da Xocalı soyqırımı mövzusunda çəkilmiş ilk ekran əsəridir.
Sənədli filmin nümayişi Azərbaycanın Los Ancelesdəki Baş Konsulluğunun təşəbbüsü və dəstəyi, Şimali Kaliforniyada yaşayan soydaşımız Zərifə Musayevanın təşkilatçılığı ilə həyata keçirilir.
Əsas süjet xətti Xocalı soyqırımının canlı şahidləri ilə aparılmış müsahibələr üzərində qurulmuş bu filmin nümayişinə Şimali Kaliforniyanın San Fransisko, San Xose, Kampbel, Mauntin Vyu, Los Altos, Palo Alto, Menlo Park, Aterton və digər şəhərlərindəki yerli ictimai kanallarda start verilib və nümayiş bir il müddətində davam edəcəkdir. Sözügedən şəhərlər dünyanın yüksək texnologiyalar mərkəzi olan Silikon Vadisinə daxildir.
Eyni zamanda filmdə Xocalıda törədilmiş dəhşətli hadisələrlə bağlı ABŞ-ın ştat qanunvericilərinin və tanınmış din xadimlərinin bu soyqırımını pisləyən açıqlamalarına, tədqiqatçı alim və jurnalist rəylərinə yer verilir, Heydər Əliyev Fondunun vitse-prezidenti Leyla Əliyevanın rəhbərliyi altında “Xocalıya Ədalət” beynəlxalq kampaniyası çərçivəsində görülən işlər işıqlandırılır.
Femida.az
Oxunub: 851
Oxşar xəbərlər
- Xocalı rayonunun Fərrux kəndi Azərbaycanın tam nəzarəti altına keçib - AÇIQLAMA
- Xocalı soyqırımından 30 il ötür
- Xocalının Sığnaq kəndindəki avtobus qəzasında yaralananların son vəziyyəti açıqlanıb
- Xocalıda yeni hərbi hissənin açılışı olub
- Xocalıda silah-sursat aşkarlanıb
- Xocalıda tikinti şirkətinin əməkdaşları minaya düşüb
- Xocalı Polis Şöbəsinə yeni rəis müavini təyin edilib
- Xocalı faciəsi ilə bağlı beynəlxalq simpozium keçirilib
- Xocalı qurbanları bir dəqiqəlik sükutla yad olundu
- Xocalı soyqırımından 29 il ötür