Gəncə Sivasla qardaşlaşa bilər
11:15 23 Fevral 2019
Gəncə Şəhər İcra Hakimiyyətinin başçısı Niyazi Bayramov Türkiyənin Sivas Bələdiyyəsinin nümayəndələrini qəbul edib.
Görüşdə Sivas Bələdiyyəsinin sədr müavinləri Əbdurrahim Ceyhan, Mahir Kuzucu, Əhməd Özaydın, Sivas Bələdiyyə Məclisinin üzvləri Tacəddin İlkay, Cəfər Çonqar və şöbə müdiri Kamil Aydındağ iştirak ediblər. Görüşdə Gəncə Şəhər Kəpəz Rayon Bələdiyyəsinin sədri Yaşar Abdullayev də yer alıb.
Gəncə Şəhər İcra Hakimiyyətinin başçısı Niyazi Bayramov qonaqları salamlayaraq, onları Nizami yurdunda görməkdən məmnun olduğunu dilə gətirib. Şəhər rəhbəri Sivas Bələdiyyəsinin üzvlərinə Gəncə, onun tarixi, mədəniyyəti, iqtisadiyyatı barədə məlumat verib. O bildirib ki, Gəncədə bir sıra iri sənaye müəssisələri, 3 universitet və 3 kollec fəaliyyət göstərir. O qeyd edib ki, son illərdə müxtəlif beynəlxalq titulların sahibi olan Gəncə bu il üçün Avropanın İdman Şəhəri statusunu daşıyır.
Sivas Bələdiyyəsinin nümayəndələri Gəncədə olmaqdan məmmunluq ifadə edərək, öz növbələrində Sivas barədə məlumat veriblər. Onlar qeyd ediblər ki, Sivas iqtisadiyyatının əsasını sənaye və kənd təsərrüfatı təşkil edir. Sənayedə dəmirçilikdən irəli gələn lokomotiv istehsalı ön plandadır. Türkiyənin ən önəmli enerji qaynaqlarından biri olan “Kangal Termik Santralı” Sivasda yerləşir. Türkiyənin ən böyük “Qəhvəyi kömür” istehsalı müəssisəsi də Sivasdadır.
Səfərlərinin məqsədindən söz açan qonaqlar, Sivasla Gəncə arasında “qardaş şəhər” münasibətlərinin qurulmasında maraqlı olduqlarını qeyd ediblər. Gəncə ilə Sivas arasında mədəni və iqtisadi əlaqələrin yaradılması istiqamətində müzakirələr aparılıb. Görüşdə Azərbaycan və Türkiyə arasında olan dostluq və qardaşlıq münasibətlərindən söz açılıb, Gəncə və Sivas arasında qurula biləcək əlaqələrin bu münasibətlərin daha da möhkəmlənməsinə xidmət edəcəyi dilə gətirilib. Görüşün sonunda qarşılıqlı xatirə hədiyyələri təqdim edilib.
Femida.az
Oxunub: 424
Oxşar xəbərlər
- Gəncədə avtomobil piyadanı vuraraq öldürüb
- Gəncədə tanışını qətlə yetirməkdə təqsirləndirilən şəxsin məhkəməsi başlayır
- Gəncədə avtomobil qaçıran şəxs saxlanılıb
- Gəncədə ehtiyatda olan polkovnik-leytenantın ölümü ilə bağlı cinayət işi başlanılıb
- Gəncədə kişi həyat yoldaşını bıçaqlayaraq öldürüb
- Gəncədə mübahisə zəminində 3 nəfər bıçaqlanıb
- Gəncədə mənzildə qadın meyiti aşkarlanıb
- Gəncədə yaşayış binasında partlayış olub, ölən var
- Gəncədə 152 kq istehlaka yararsız ət aşkarlanıb
- Gəncədə narkotikin təsiri altında avtoxuliqanlıq edən şəxs saxlanılıb