Nazirliyin əsasnaməsi dəyişdi - Fərman
12:50 23 Fevral 2019
Prezident İlham Əliyev “Azərbaycan Respublikasının Əmək və Əhalinin Sosial Müdafiəsi Nazirliyinin fəaliyyətinin təkmilləşdirilməsi ilə bağlı tədbirlər haqqında” 2011-ci il 16 fevral tarixli 386 nömrəli və “Azərbaycan Respublikasının Əmək və Əhalinin Sosial Müdafiəsi Nazirliyinin strukturunun optimallaşdırılması və “Azərbaycan Respublikasının Əmək və Əhalinin Sosial Müdafiəsi Nazirliyinin fəaliyyətinin təkmilləşdirilməsi ilə bağlı tədbirlər haqqında” Azərbaycan Respublikası Prezidentinin 2011-ci il 16 fevral tarixli 386 nömrəli Fərmanında dəyişikliklər edilməsi barədə” 2016-cı il 24 iyun tarixli 976 nömrəli fərmanlarında dəyişiklik edilməsi haqqında fərman imzalayıb.
Femida.az-ın məlumatına görə, Azərbaycan Respublikası Prezidentinin 2011-ci il 16 fevral tarixli 386 nömrəli fərmanında aşağıdakı dəyişikliklər edilib:
Həmin fərmanla təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi haqqında Əsasnamə” üzrə aşağıdakı məzmunda 3.1.50-1-ci yarımbənd əlavə edilib və 3.1.52-ci yarımbənd aşağıdakı redaksiyada verilib:
“3.1.50-1. “Əlilliyi olan şəxslərin hüquqları haqqında” Azərbaycan Respublikası Qanununun 30.1-ci maddəsində göstərilən reabilitasiya vasitələrinin texniki normativ hüquqi aktlara uyğunluğuna nəzarəti və onların əlilliyi olan şəxslərə yaşayış yeri üzrə verilməsini həyata keçirmək;”;
“3.1.52. əlilliyi olan şəxslərin vahid informasiya bazasını yaratmaq məqsədi ilə mərkəzi və yerli icra hakimiyyəti orqanlarının apardığı elektron informasiya ehtiyatlarından istifadə etməklə, əlilliyi olan şəxslərin reyestrini elektron formada aparmaq;”;
Həmin fərmanla təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Xidməti haqqında Əsasnamə”nin 3.1.13-cü yarımbəndi (xidmət rayonunda əlilliyin vəziyyətini təhlil edib yerli icra hakimiyyəti orqanlarına məlumat vermək) ləğv edilib.
Azərbaycan Respublikası Prezidentinin 2016-cı il 24 iyun tarixli 976 nömrəli fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu haqqında Əsasnamə”nin 3.1.29-cu yarımbəndindən “məlumat bazasının təşkili,” sözləri çıxarılıb.
Femida.az
Oxunub: 432
Oxşar xəbərlər
- Nazirliyin vəzifəli əməkdaşı COVID-19-dan vəfat edib
- Nazirliyin hesabına köçürülən vəsaitdən istifadə qaydaları dəyişdi
- Nazirliyin 26 əməkdaşı koronavirusa yoluxub - Ölən var
- Nazirliyin vəzifəli şəxslərinə cinayət işi başlanıldı
- Nazirliyin proaktiv xidmətlərinin sayı 90-na çatacaq
- Nazirliyin vəzifəli şəxslərinə qarşı əməliyyat keçirilir? - AÇIQLAMA
- Nazirliyin səyyar mikroavtobusları Masallıda
- Nazirliyin sabiq əməkdaşı iş yoldaşını döydürüb - RƏSMİ
- Nazirliyin sosial sığınacaqlarına 340 nəfər qəbul olunub
- Nazirliyin tabeliyində publik hüquqi şəxslər yaradılıb - FƏRMAN