Yanvarda Azərbaycana neçə turist gəlib
12:40 25 Fevral 2019
Yanvarda Azərbaycana dünyanın 143 ölkəsindən 191,6 min və ya əvvəlki ilin eyni ayı ilə müqayisədə 2,9 faiz çox əcnəbi və vətəndaşlığı olmayan şəxs gəlib.
Dövlət Statistika Komitəsindən Femida.az-a verilən məlumata görə, gələnlərin 29,4 faizi Rusiya, 29,1 faizi Gürcüstan, 11,2 faizi Türkiyə, 5,4 faizi İran, 4,5 faizi Birləşmiş Ərəb Əmirlikləri, 1,7 faizi Ukrayna, 1,3 faizi İraq, 17,3 faizi digər ölkələrin vətəndaşları, 0,1 faizi isə vətəndaşlığı olmayan şəxslər olub. Gələnlərin 71,1 faizini kişilər, 28,9 faizini isə qadınlar təşkil edib.
Ölkəmizə keçən ay gələnlərin sayında daha çox artım Misir (4,5 dəfə), Pakistan (2 dəfə), Türkmənistan (1,7 dəfə), Hindistan (1,4 dəfə), Çin (26,5 faiz), Gürcüstan (21,9 faiz), Koreya Respublikası (15,2 faiz) vətəndaşları arasında qeydə alınıb. Bununla yanaşı, Körfəz ölkələrindən gələnlərin sayı əvvəlki ilin eyni ayı ilə müqayisədə 13,3 faiz azalaraq 28,5 min nəfər olub.
Yanvarda Avropa İttifaqına üzv ölkələrdən gələnlərin sayı 0,9 faiz artaraq 5,8 min nəfər, MDB ölkələrindən gələnlərin sayı isə 0,2 faiz azalaraq 67,2 min nəfər olub. Ölkəmizə gələn əcnəbilər və vətəndaşlığı olmayan şəxslərin 63,8 faizi dəmir yolu və avtomobil, 35,4 faizi hava, 0,8 faizi isə su nəqliyyatından istifadə edib.
Oxunub: 438
Oxşar xəbərlər
- Yanvarda Azərbaycanda narkotiklərə görə saxlanılan xarici vətəndaşların sayı açıqlanıb
- Yanvarda koronavirusla mübarizə aparan tibb işçilərinə 30 milyon manata yaxın əlavə ödənilib
- Yanvarda Azərbaycan hansı ölkələrə neft ixrac edib? – SİYAHI
- Yanvarda DMX-ya 7 min nəfərdən çox şəxs müraciət edib
- Yanvarda 18 nəfər qidadan zəhərlənib