Allahşükür Paşazadə Rusiyaya gedəcək - Gündəm Qafqaz xalqlarıdır
16:09 26 Fevral 2019
Qafqaz Müsəlmanları İdarəsinin (QMİ) sədri şeyxülislam Allahşükür Paşazadə sabah Rusiya Federasiyasının Qaraçay-Çərkəz Respublikasının paytaxtı Çerkessk şəhərinə səfərə gedəcək.
Bu barədə Femida.az-a QMİ-nin mətbuat xidmətindən məlumat verilib.
Şeyxülislam A.Paşazadə Çerkessk şəhərində sədri olduğu Qafqaz Xalqları Ali Dini Şurasının (QXADŞ) növbəti toplantısını keçirəcək. Şuranın bu dəfəki toplantısı Şimali Qafqaz müsəlmanları Əlaqələndirmə Şurasının sədri, Qaraçay-Çərkəz Müftisi İsmayıl Berdiyevin anadan olmasının 65 illik yubiley ilə əlaqədar keçirilir.
Şuranın iclasında həmçinin cari məsələlərin, Qafqaz xalqlarının qarşılıqlı dostluq, qardaşlıq münasibətlərinin möhkəmləndirilməsi istiqamətində atılan addımların müzakirəsi nəzərdə tutulur.
QXADŞ-nın Vladiqafqazda keçirilən toplantısından sonrakı dövrün hesabat məruzəsi ilə Şuranın sədri şeyxülislam A.Paşazadə çıxış edəcək.
Çerkesskə səfər çərçivəsində QMİ sədrinin respublika rəhbərliyi, din xadimləri və Qaraçay-Çərkəzdəki Azərbaycan diasporunun nümayəndələri ilə görüşləri nəzərdə tutulur.
Femida.az
Oxunub: 499
Oxşar xəbərlər
- Allahşükür Paşazadə Londana gedir
- Allahşükür Paşazadə Ümrə ziyarətinə gedir
- Allahşükür Paşazadə Birləşmiş Ərəb Əmirliklərinə gedib
- Allahşükür Paşazadənin müşaviri vəfat edib
- Allahşükür Paşazadə müsəlman və xristian dövlətlərinə təşəkkür edib
- Allahşükür Paşazadə Azərbaycan xalqını təbrik edib
- Allahşükür Paşazadə Azərbaycan xalqını təbrik edib
- Allahşükür Paşazadə İrana qarşı sanksiyaların dayandırılması xahişi ilə Trampa məktub göndərib
- Allahşükür Paşazadə Prezident İlham Əliyevə təşəkkür edib
- Allahşükür Paşazadə Səudiyyə Ərəbistanına gedir