Türkiyə Vəkillər Kolleksiyasının sədri: Xocalı faciəsi soyqırımdır

Türkiyə Vəkillər Kolleksiyasının sədri: "Xocalı faciəsi soyqırımdır"


19:37     26 Fevral 2019 19_02_26_1551195504.jpg

Xocalıda Azərbaycanın dinc əhalisinə qarşı soyqırım törədilib.


Bunu Türkiyə Vəkillər Kollegiyasının sədri Metin Feyzioğlu deyib.

M.Feyzioğlu bildirib ki, Xocalı sakinləri ermənilər tərəfindən məhz etnik və dini mənşəyinə görə qətlə yetirilib ki, bu da əsl soyqırımdır.

Xatırladaq ki, 1992-ci il fevralın 25-dən 26-na keçən gecə silahlı erməni dəstələri keçmiş sovet ordusunun Xankəndidə yerləşən 366-cı motoatıcı alayının ağır texnikası və şəxsi heyətinin köməyi ilə Azərbaycanın qədim Xocalı şəhərinin üzərinə hücum edib və onun dinc əhalisinə amansızcasına divan tutublar.

Hücum zamanı şəhərdə olan 3 min nəfərdən 613-ü, o cümlədən 106 qadın, 63 uşaq və 70 qoca xüsusi qəddarlıqla öldürülüb, 487 dinc sakin ağır yaralanıb, 1275 nəfər girov götürülüb və insanı alçaldan işgəncələrə məruz qalıb, 197 nəfərin taleyi hələ də məlum deyil. Səkkiz ailə tamamilə məhv edilib. Həmin insanlar yalnız etnik mənsubiyyətlərinə - azərbaycanlı olduqlarına görə amansızcasına öldürülüb, işgəncələrə məruz qalıb və şikəst ediliblər.

Ermənilərin bu cəza tədbiri hərtərəfli planlaşdırılıb və yeganə bir məqsədlə törədilib – dinc sakinləri milli mənsubiyyət əlamətinə görə qismən və ya tamamilə məhv etmək. Beynəlxalq hüquqa görə belə hərəkətlər “soyqırımı” anlayışına uyğundur və dünya ictimaiyyəti tərəfindən bu cür tanınmalıdır.

Femida.az

Açar sözlər:

Oxunub: 886