Anasını öldürən qız həbsdə qaldı - Şikayəti təmin edilməyib
14:47 02 Mart 2019
Ali Məhkəmədə anasını öldürməkdə təqsirləndirilən Günel Hüseynova və onun tanışı Ceyhun Əsgərovbarələrində olan hökmdən verilən kassasiya şikayəti üzrə məhkəmə iclası başa çatıb.
Femida.az Report-a istinadən bildirir ki, hakim Hafiz Nəsibovun sədrliyi ilə keçirilən prosesdə qərar elan olunub.
Qərara əsasən, hər iki şəxsin şikayəti təmin edilməyib.
Qeyd edək ki, 2016-cı il yanvarın 5-də hüquq-mühafizə orqanları əməkdaşları Nəsimi rayonu ərazisində 1965-ci il təvəllüdlü Namet-zadən Məryəm Tofiq qızının yaşadığı mənzilində üzərində çoxsaylı kəsilmiş-deşilmiş xəsarətlərlə müşayiət olunan meyitini aşkar ediblər.
Polis və prokurorluq orqanları tərəfindən həyata keçirilmiş təxirəsalınmaz istintaq və əməliyyat-axtarış tədbirləri nəticəsində cinayətin mərhumun qızı 1988-ci il təvəllüdlü G.Hüseynova, qohumu (bacısı oğlu) 1998-ci il təvəllüdlü Nicat Eyvazov və 1997-ci il təvəllüdlü Ceyhun Əsgərov tərəfindən törədilməsində əsaslı şübhələr olduğundan onlar tutularaq istintaqa cəlb olunublar.
Bakı Ağır Cinayətlər Məhkəməsinin hökmü ilə G.Hüseynova 18 il, C.Əsgərov 19 və N.Eyvazov 10 il müddətinə azadlıqdan məhrum edilib. Hökmdən narazı qalan məhkumlar apellyasiya şikayəti veriblər. Bakı Apellyasiya Məhkəməsinin qərarı ilə təqsirləndirilən şəxslərin apellyasiya şikayəti təmin edilməyib, birinci instansiya məhkəməsinin çıxardığı hökm dəyişdirilmədən qüvvədə saxlanılıb. Daha sonra G.Hüseynova ilə C.Əsgərov kassasiya şikayəti ilə Ali Məhkəməyə müraciət ediblər.
Xatırladaq ki, qətlə yetirilən M.Namet-zadən Bakıda qızıl alveri ilə məşğul olub. Cinayəti törətməkdə təqsirləndirilən onu qızı G.Hüseynova ailəsindən boşanıb. Onun keçmiş həyat yoldaşından azyaşlı qızı var.
Oxunub: 764
Oxşar xəbərlər
- Anasını döyərək öldürən şəxsin məhkəməsi başlayır
- Anasını çəkiclə öldürən ruhi xəstənin cinayət işi məhkəməyə göndərilib
- Anasının fermasından 71 baş keçi oğurlayan Şəki sakini tutuldu
- Anasını öldürüb, meyitini yandıran şəxsə hökm oxundu: 19 İL HƏBS
- Anasının ölümündən 56 gün sonra dünyaya gəldi
- Anasını öldürüb meyitini yandıran şəxsin cinayət işi məhkəməyə göndərilib
- Anasını xüsusi amansızlıqla öldürən şəxsin məhkəməsi başladı
- Anasını görməyə getdi - Qətlə yetirildi
- Anasını fahişəliyə cəlb edən qızla bağlı qərar veridi: Həbs yatacaq
- Anasının məşuqunu ofisdə güllələdi - HADİSƏNİN VİDEOSU