Əlilliyi olan şəxslər reabilitasiya vasitəsi ilə təmin edilib
17:40 02 Mart 2019
Reabilitasiya vasitələrinin yaşayış yerində verilməsi işləri genişləndiriləcək.
Əmək və Əhalinin Sosial Müdafiəsi Nazirliyindən (ƏƏSMN) Femida.az-a verilən məlumata görə, Prezident İlham Əliyevin 23 fevral 2019-cu il tarixli Fərmanı ilə ƏƏSMN-nin Əsasnaməsinə edilmiş dəyişikliklərdən biri kimi reabilitasiya vasitələrinin əlilliyi olan şəxslərə yaşayış yeri üzrə verilməsini həyata keçirmək də nazirliyin vəzifələri sırasına daxil edilib.
Nazirlik yanında Dövlət Tibbi-Sosial Ekspertiza və Reabilitasiya Xidmətinin Protez-Ortopedik Bərpa Mərkəzi tərəfindən bir sıra hallarda əlilliyi olan şəxslərə reabilitasiya vasitələrinin onların yaşadıqları bölgələrə, hətta yaşadıqları ünvanlara aparılaraq verilməsi işləri də aparılıb.
Ötən il ərzində Mərkəz əliliyi olan şəxsləri 35 351 reabilitasiya vasitəsi ilə təmin edib. Onlardan bir qismi də reabilitasiya vasitələrini götürmək üçün özlərinin (və ya yaxınlarının) Bakıya gəlmək imkanları olmayan şəxslərə səyyar xidmət formasında yaşadıqları rayon və ya şəhərə aparılmaqla, yaxud birbaşa ünvana çatdırılma qaydasında təqdim olunub.
Dövlət başçısının müvafiq Fərmanı ilə nazirliyin Əsasnaməsində edilmiş dəyişikliyə uyğun olaraq, bundan sonra reabilitasiya vasitələrinin əlilliyi olan şəxslərə yaşayış yeri üzrə verilməsi sistemli xarakter alacaq, bu sahədə fəaliyyət daha da genişləndiriləcək.
Femida.az
Oxunub: 505
Oxşar xəbərlər
- Əlilliyin qiymətləndirilməsi qaydasında hansı yeni dəyişikliklər var?
- Bu gündən əlilliyin qiymətləndirilməsi ilə bağlı qəbula qeydiyyat onlayn aparılacaq
- DYP əlilliyi olan şəxslərlə bağlı sürücülərə müraciət edib
- “Əlilliyin qiymətləndirilməsi Qaydası”na dəyişiklik edilib
- Şəxsin əlilliyi 10 gün müddətində qiymətləndiriləcək
- Əlilliyi olan bəzi şəxslər avtomobili nömrəsiz idarə edir - DYP
- Əlilliyi olan şəxslərlə bağlı qanuna dəyişiklik edildi
- Əlilliyin qiymətləndirilməsinin yeni meyarları məlum olub
- Əlilliyin müəyyən olunması üzrə yeni MEYARLAR
- Əlilliyi olan şəxslər TƏBİB-in binası qarşısında etiraz edib