Enerji içkisindən öldüyü deyilən qız Bülbülün nəticəsi imiş


12:12     04 Mart 2019 2019/03/byulbyul_1551687588.jpg

Enerji içkisindən dünyasını dəyişdiyi deyilən Aydan Vəliyeva korifey sənətkar, SSRİ xalq artisti Bülbülün nəticəsidir.



Femida.az xəbər verir ki, bu barədə Kult.az-a mərhum Aydan Vəliyevanın yaxınları məlumat veriblər.

Onlar bildiriblər ki, A.Vəliyeva talassemiya xəstəliyindən vəfat edib və onun həddindən artıq enerji içkisi qəbul etdiyi üçün vəfat etməsi haqda yayılan məlumatlar əsassızdır:

“Xahiş edirik, bu ağrılı günümüzdə yalan xəbərlər yaymasınlar. Ətrafımızdakı hər kəs bilir ki, Aydan talassemiya xəstəliyindən əziyyət çəkirdi”.

26 yaşlı A.Vəliyeva böyük sənətkar Bülbülün oğlu Çingiz Bülbüloğlunun qız nəvəsi olub.

Aydan Vəliyeva həmçinin “Azərkitab”ın əməkdaşı kimi fəaliyyət göstərirdi.



Qeyd edək ki, bundan əvvəl Yenicag.az saytı Aydan Vəliyevanın enerji içkilərindən çox istifadə etməsi nəticəsində komaya düşdüyünü, martın 2-də isə dünyasını dəyişdiyini yazmışdı.

Femida.az

Açar sözlər:

Oxunub: 1001