Toya hazırlaşırdılar, gecə yanğında öldülər

14:50     06 Mart 2019

Xəbər verdiyimiz kimi, gecə saatlarında Nərimanov rayonunda yerləşən yataqxanada ölümlə nəticələnən yanğın olub. Hadisə Azərbaycan İncəsənət Universitetinin balansında olan yataqxanada qeydə alınıb.

Məcburi köçkünlərinin məskunlaşdığı beşmərtəbəli binanın 3-cü mərtəbəsində baş verən yanğın nəticəsində 1953-cü il təvəllüdlü Əliyeva Eliza İdris qızı və 1951-ci il təvəllüdlü Əliyev Surxay Yusif oğlu həlak olub.

Femida.az Azvision.az-a istinadən xəbər verir ki, Eliza Əliyeva və Surxay Əliyev Bakıya Laçın rayonundan gəliblər. Məcbburi köçkün ailəsi kimi həmin yataqxanaya yerləşiblər. 4 uşağ atası olan Surxay Əliyev ailəsini göyərti satmaqla dolandırırmış. Həyat yoldaşı Eliza Əliyeva isə ağır əməliyyat keçirdiyindən heç yerdə işləməyib.

Onların üç qızı və bir oğulları var. Evin böyük qızı həyat yoldaşı rəhmətə getdiyinə görə iki azyaşlı övladı ilə birlikdə valiydenlərinin yanında qalır.

Qonşuların dediyinə görə, övladlarının ikisini evləndirən Surxay Əliyev və xanımı mart ayında kiçik qızına toy etməyə hazırlaşırmış. Onlar yanğın zamanı övladlarını xilas etsələr də, özləri tüstüdən boğularaq ölüblər.

Femida.az

Açar sözlər:

Oxunub: 573