Sabiq daxili işlər nazirinin qardaşı vurduğu zərəri ödəyib


17:52     06 Mart 2019 1398947325_mehkeme.jpg


Bu gün Bakı Ağır Cinayətlər Məhkəməsində Naxçıvan Muxtar Respublikasının sabiq daxili işlər naziri Əhməd Əhmədovun qardaşı Əvəz Əmədovun cinayət işi üzrə məhkəmə iclası davam etdirilib.


Hakim Samir Əliyevin sədrliyi ilə keçirilən prosesdə zərərçəkmişlər - Rəşad Tahirov və Hörmət Əskərov çıxış edib.

R.Tahirov ona dəymiş zərərin ödənildiyini, heç bir şikayət və tələbinin olmadığını deyib.

Həmçinin H.Əskərov da təqsirləndirilən şəxsdən şikayətçi olmadığını söyləyib.

Ə.Əhmədovun vəkili müdafiə çıxışında müvəkkilinin barəsində bəraət hökmünün çıxarılmasını istəyib.

Təqsirləndirilən şəxs son sözə hazır olmadığını bildirərək məhkəmədən vaxt tələb edib.

Məhkəmənin növbəti iclası martın 13-nə təyin olunub.

Xatırladaq ki, prokuror çıxışında Ə.Əhmədovun 12 il müddətinə azadlıqdan məhrum edilməsini itəmişdi.

İttiham aktına əsasən, Ə.Əhmədov iki nəfərdən - Rəşad Tahirov və Hörmət Əskərovdan 140 min dolları hədə-qorxu ilə almaqda təqsirləndirilir.

H.Əskərov daha əvvəl Müdafiə Nazirliyi Hərbi Hava Qüvvələrinin Tibb Xidməti rəisi, tibb xidməti polkovniki olub. 2015-ci il dekabr ayında nazir Zakir Həsənov onu vəzifəsindən azad edib.

H.Əskərov da dələduzluq ittihamı ilə həbs edilib və hazırda ibtidai istintaqı davam etdirilir. Onun barəsində bu iş üzrə digər zərərçəkmiş R.Tahirova qarşı dələduzluq etmə ittihamı irəli sürülüb.

H.Əskərov R.Tahirovun arvadının qohumudur.

Xatırladaq ki, Naxçıvan Muxtar Respublikasının sabiq daxili işlər naziri Əhməd Əhmədovun qardaşı Ə.Əmədov bir neçə dövlət orqanında çalışıb. / Report

Femida.az

Açar sözlər: #məhkəmə  

Oxunub: 453