Vəkilliyə qəbul üzrə növbəti imtahanın vaxtı açıqlandı
14:12 07 Mart 2019
Azərbaycan Respublikası Prezidentinin 2018-ci il 22 fevral tarixli “Azərbaycan Respublikasında vəkilliyin inkişafı ilə bağlı əlavə tədbirlər haqqında” Sərəncamı ilə Vəkillər Kollegiyasına ixtisas imtahanlarının müntəzəm keçirilməsini təşkil etməklə Kollegiyaya yeni üzvlərin qəbul edilməsi üçün şəraitin yaradılması tövsiyə olunub.
Vəkillər Kollegiyasından Femida.az-a verilən məlumata görə, vəkilliyə sənəd qəbulunun daimi əsaslarla aparıldığını nəzərə alaraq, Kollegiya ilə Dövlət İmtahan Mərkəzi arasında əldə olunmuş razılığa əsasən martın 30-da Vəkillər Kollegiyası üzvlüyünə qəbulla bağlı növbəti ixtisas imtahanlarının yazılı test mərhələsinin keçirilməsi nəzərdə tutulub. İmtahan Dövlət İmtahan Mərkəzinin Bakı şəhəri, Abdulvahab Salamzadə 28 ünvanında yerləşən kompüter mərkəzində elektronlaşdırılmış qaydada - kompüter vasitəsilə həyata keçiriləcək.
Vəkilliyə qəbulla bağlı ixtisas imtahanlarında iştirakla bağlı sənəd verən şəxslərin çoxluğu nəzərə alınaraq ərizələrinin daxil olma tarixi üzrə ilk 250 namizəd imtahana buraxılacaq.
Kollegiya üzvlüyünə qəbulla bağlı ixtisas imtahanlarında iştirak etmək istəyən şəxslər martın 27-dək Sənəd Qəbulu Komissiyasına müraciət edə bilərlər.
Sənəd qəbulu üçün elektron qaydada müraciət etmək istəyən şəxslər https://azvision.az/redirect.php?url=http://www.barassociation.az/recruitment keçidində göstərilən anket-formanı doldurmalı, https://azvision.az/redirect.php?url=http://www.barassociation.az/other keçidində nəzərdə tutulan bank rekvizitləri vasitəsilə ödəniş etməli, anket-forma və ödəniş qəbzinin skan surətini [email protected] elektron poçt ünvanına martın 27-dək göndərməlidirlər.
Əlavə məlumat üçün 012 594 14 95 telefon nömrəsi ilə əlaqə saxlamaq mümkündür.
Vəkilliyə qəbulla bağlı imtahanda iştirak edəcək namizədlərdən martın 30-da saat 09:00-da Dövlət İmtahan Mərkəzinin Bakı şəhəri, Abdulvahab Salamzadə 28 ünvanında yerləşən kompüter mərkəzinə şəxsiyyət vəsiqəsini təqdim etməklə yaxınlaşmaları xahiş olunur.
Femida.az
Oxunub: 2244
Oxşar xəbərlər
- Vəkilliyə namizədlərlə onlayn icbari təlimə başlanıldı
- Vəkilliyə namizəd olan 94 nəfər icbari təlimə buraxıldı
- Vəkilliyə namizəd olan 233 nəfər imtahan verir - CANLI YAYIM
- Vəkilliyə namizəd 84 nəfər icbari təlimə buraxılıb
- Vəkilliyə qəbul olmaq istəyən şəxslərin NƏZƏRİNƏ!
- Vəkilliyə qəbul üçün növbəti imtahan tarixi AÇIQLANDI
- Vəkilliyə qəbul imtahanının nəticələri AÇIQLANDI
- Vəkilliyə namizədlərdən 90 nəfəri icbari təlimə buraxılıb
- Vəkilliyə qəbul imtahanının nəticələri açıqlandı
- Vəkilliyə qəbul qaydaları DƏYİŞDİ