Sahil Babayev biznes quran qadınları təbrik etdi
15:53 07 Mart 2019
Özünüməşğulluq proqramı çərçivəsində uğurlu şəkildə öz biznesini qurmuş bir neçə qadınla – Solmaz Şirəliyeva, Arzu Çapkın və Məlahət Əliyeva ilə onlara məxsus istehsal və xidmət sahələrində görüş keçirilib.
Femida.az -ın məlumatına görə, Əmək və əhalinin sosial müdafiəsi naziri Sahil Babayev 8 Mart – Beynəlxalq Qadınlar günü münasibətilə nazirlik adından onları təbrik edib, xoş arzularını çatdırıb. Xanımlara gül və hədiyyələr təqdim edilib.
Nazir Azərbaycan Respublikasının Prezidenti cənab İlham Əliyevin müvafiq Sərəncamına əsasən icra olunan özünüməşğulluq proqramının iştirakçılarının mühüm bir hissəsinin qadınlar olduğunu deyib. O bildirib ki, 2018-ci ildə 7267 nəfər proqram iştirakçısından 1309 nəfərini qadınlar təşkil edib. Cari ildə bu göstərici daha da artacaq.
Proqram çərçivəsində aztəminatlı ailələrin fərdi təsərrüfatlara sahib olmaları onların dövlət yardımından asılılığının aradan qalxmasına, öz zəhmətləri hesabına ailə gəlirlərini artırmalarına və sahibkarlığa çıxış imkanı qazanmalarına şərait yaradıb.
S.Babayev diqqətə çatdırıb ki, proqram iştirakçılarının verilmiş aktivlər hesabına uğurlu şəkildə öz kiçik biznes sahələrini yaratmaları, gəlirlərini artırmaq imkanlarına yiyələnmələri bu proqrama müraciətlərin, o cümlədən qadınlar tərəfindən marağın dəfələrlə artmasına səbəb olub. Təbii ki, buna uyğun olaraq özünüməşğulluq proqramı iştirakçılarının, həmçinin proqrama cəlb olunan qadınların sayı da getdikcə artacaq.
S.Şirəliyeva, A.Çapkın və M.Əliyeva öz biznes sahələrini yaratmaq, işsizlikdən sahibkarlığa keçid imkanı qazanmaq üçün onlara göstərilən böyük dəstəyə görə Prezident cənab İlham Əliyevə minnətdarlıqlarını ifadə ediblər. Tədbir çərçivəsində xanımlara məxsus istehsal və xidmət sahələrinə baxış da olub.
Femida.az
Oxunub: 437
Oxşar xəbərlər
- Sahil Babayev: “Məşğulluq” altsistemində hazırda 14 min aktiv vakansiya var”
- Sahil Babayev: "Kiminsə ödənişinə qənaət etmək niyyətimiz yoxdur"
- Sahil Babayevdən pensiyaların artırılması ilə bağlı açıqlama
- Sahil Babayev kollegiya iclası keçirib
- Sahil Babayev işəgötürənlərə xəbərdarlıq etdi
- Sahil Babayev Macarıstanda azərbaycanlı tələbələrlə görüşüb
- Sahil Babayev monitorinq qrupu yaradır
- Sahil Babayev büdcə haqda məlumat verdi
- Sahil Babayev özünə müşavir təyin etdi
- Sahil Babayev litvalı səfirlə görüşüb