Gömrükdə telefon qaçaqmalçılığının qarşısı alındı
16:06 09 Mart 2019
Qərb Ərazi Baş Gömrük İdarəsinin Əməliyyat və Təhqiqat İdarəsinin Əməliyyat şöbəsinə iki Azərbaycan vətəndaşı tərəfindən müxtəlif malların Azərbaycan Respublikasının gömrük sərhədindən istehsal və ya kommersiya məqsədləri üçün nəzərdə tutulmayan mallar kimi ölkə ərazisinə keçiriləcəyi barədə məlumat daxil olub.
Dövlət Gömrük Komitəsindən Femida.az-a verilən məlumata görə, Azərbaycan ilə Gürcüstan arasında yerləşən ərazidə iki Azərbaycan Respublikası vətəndaşı tərəfindən kommersiya məqsədləri üçün gətirilən mobil telefonların müxtəlif şəxslərə paylanılaraq ölkə ərazisinə keçirilməsi qeydə alınıb.
Baş verən qanun pozuntusunun qarşısını almaq məqsədilə həmin şəxslər gömrükçülər tərəfindən qeyd olunan ərazidə saxlanılıblar. Bu zaman məlum olub ki, vətəndaşlar 2 ədəd "Sony" markalı "PlayStation 4", 123 ədəd "Mi 8 Lite" markalı mobil telefon, 10 ədəd "İphone 8" və 1 ədəd "İphone X" markalı mobil telefona aid qutuları başqa şəxslərə paylamaqla ölkə ərazisinə şəxsi istehlak miqdarı adı altında keçirməyə cəhd göstəriblər.
Yuxarıda sadalanan məhsullar gömrükçülər tərəfindən saxlanılaraq Qərb Ərazi Baş Gömrük İdarəsinin "Qırmızı Körpü" gömrük postnuna gətirilib. Saxlanılan zaman vətəndaşlar tərəfindən qeyd olunan mallara dair heç bir sənəd təqdim olunmayıb.
Femida.az
Oxunub: 401
Oxşar xəbərlər
- Azərbaycana gətirilən Aİ-92 benzinin gömrük rüsumundan azad olunma müddəti başa çatıb
- ABŞ Ukrayna poladına tətbiq edilən gömrük rüsumlarını ləğv edib
- Gömrükçülər narkotik qaçaqmalçılığı cəhdinin qarşısını alıb
- İntihar edən qızı tutmağa çalışan şəxs Gömrük Komitəsinin əməkdaşıdır - FOTO
- Gömrükçülər külli miqdarda dərman vasitələri saxlayıb
- “Qafqaz Qartalı” təlimi məqsədilə Azərbaycana gətirilən avadanlıqlar gömrük rüsumu və vergidən azad ediləcək
- Gömrükçülər ölkə ərazisi ilə Ermənistana yük aparan İran vətəndaşını saxlayıb
- Rüşvətə görə saxlanılan gömrük əməkdaşlarına bəraət verilib
- Naxçıvanda gömrükçülər 100 kiloqrama yaxın heroin müsadirə edib
- Azərbaycan gömrükçüləri külli miqdarda "iPhone" telefonu müsadirə edib