Qazaxıstanda elit ərazidə yaşayan azərbaycanlı qarət olundu


14:20     09 Mart 2019 19_03_09_1552120906.jpg

Qazaxıstanın Almatı şəhərində Azərbaycan vətəndaşının evi qarət olunub.

Bu haqda Qazaxıstanın “Nur.kz” saytı məlumat yayıb.

Məlumata görə, Medeus rayon polis idarəsinin əməkdaşları meqapolisin ərazisində bir neçə mənzili qarət etməkdə şübhəli bilinən 1988-ci il təvəllüdlü kişini saxlayıb.

“Əvvəllər oğruluğa görə məhkumluğu olan şəxs xarici vətəndaşın mənzilinə daxil olaraq, oradan pul vəsaitlərini, qızıl məmulatlarını və bahalı videotexnikanı oğurlayıb”, - deyə polis idarəsindən bildiriblər.

Polis oğrunun təkbaşına fəaliyyət göstərdiyini və yalnız elit mikrorayonlarda yerləşən evləri qarət etdiyini müəyyən edib. Onun bu günə kimi səkkiz analoji cinayət törətdiyi üzə çıxıb.

Cinayətləri törətməkdə şübhəli bilinən 31 yaşlı şəxs barəsində həbs qətimkan tədbiri seçilib, istintaq davam edir.

Açar sözlər:

Oxunub: 429