Kamil Zeynallı apellyasiya şikayəti verib
11:03 13 Mart 2019
Həbsdə olan idmançı Kamil Zeynallı apellyasiya şikayəti verib.
Femida.az xəbər verir ki, bu barədə "Report"a onun vəkili Aygül Rəfiyeva məlumat verib.
Onun sözlərinə görə, Nərimanov Rayon Məhkəməsinin qərarından narazı qaldıqları üçün Bakı Apellyasiya Məhkəməsinə müraciət edilib: "Biz hesab edirik ki, birinci instansiya məhkəməsi düzgün qərar çıxarmayıb. Müvəkkilimin azadlığa buraxılmasını istəyirik".
Məhkəmənin vaxtı yaxın günlərdə açıqlanacaq.
Xatırladaq ki, qərara əsasən, K.Zeynallı Heydər Əliyev Mərkəzinin yaxınlığında telefonla danışarkən ucadan təhqiredici sözlər işlədib. Bu zaman ərazidə olan Nərimanov Rayon Polis İdarəsinin 18-ci Polis Bölməsinin əməkdaşları onu saxlayıblar. K.Zeynallı İnzibati Xətallar Məcəlləsinin 510-cu (Xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə) maddəsi ilə ittiham olunur. Nərimanov Rayon Məhkəməsi ona 10 sutkalıq həbs verib.
Femida.az
Oxunub: 636
Oxşar xəbərlər
- Kamil Əliyevin 100 illik yubileyi qeyd ediləcək - Sərəncam
- Kamil Zeynallı heç bir medalla təltif edilməyib - RƏSMİ
- Kamil Zeynallı vaxtından əvvəl azadlığa buraxıldı
- Kamil Zeynallıya 30 sutka həbs cəzası verildi
- Kamil Zeynallı cəbhədəki hərəkətlərinə görə həbs edildi
- Kamil Zeynallı həbs edildi
- Kamil Zeynallı söyüş söyüb - 10 sutka həbs yatacaq