Ramin Quluzadə BMT rəsmisi ilə görüşüb
16:16 14 Mart 2019
Nəqliyyat, rabitə və yüksək texnologiyalar naziri Ramin Quluzadə ölkəmizdə səfərdə olan BMT İnkişaf Proqramının rəhbərinin müavini, Avropa və MDB üzrə Regional Bürosunun direktoru xanım Miryana Eqqerlə görüşüb.
Nazirlikdən Femida.az-a verilən məlumata görə, görüşdə startap layihələrinin reallaşdırılması, Yevlaxda inşası davam etdirilən Ehtiyat Data Mərkəzi, yaradılması nəzərdə tutulan İnnovasiyalar Laboratoriyası və İnnovasiyalar Mərkəzi üzrə texniki və ekspert dəstəyi məsələləri müzakirə olunub. Eyni zamanda, informasiya-kommunikasiya texnologiyaları (İKT) sahəsində həyata keçirilən işlərə BMT-nin İnkişaf Proqramı (UNDP) tərəfindən ixtisaslı ekspert dəstəyinin göstərilməsi məsələsi ətrafında da fikir mübadiləsi aparılıb.
Qonaqları salamlayan nəqliyyat, rabitə və yüksək texnologiyalar naziri Ramin Quluzadə BMT-nin İnkişaf Proqramı ilə Azərbaycan arasında ikitərəfli münasibətlərin uğurla inkişaf etdiyini, bütün sahələrdə olduğu kimi, İKT sferasında da qarşılıqlı əlaqələrin genişləndiyini vurğulayıb.
Ölkəmizdə İKT sahəsinin inkişafı üzrə aparılan islahatlar, həyata keçirilən milli və regional layihələrdən söz açan nazir Azərbaycanın təşəbbüskarı olduğu beynəlxalq layihələrə Birləşmiş Millətlər Təşkilatı tərəfindən göstərilən dəstəyi yüksək qiymətləndirib. Azərbaycanda İKT sahəsində həyata keçirilən uğurlu layihələrin vacibliyinə toxunan UNDP rəsmisi təşkilatın Azərbaycanla qurulan əməkdaşlıq istiqamətlərini daha da genişləndirmək niyyətində olduğunu vurğulayıb.
Azərbaycan Respublikası Prezidenti ilə görüşdən məmnunluğunu ifadə edən xanım Eqqer ölkəmizlə uzunmüddətli tərəfdaşlığın faydalarından bəhs edib. Daha sonra görüşdə İKT sahəsində əməkdaşlıq perspektivləri, eyni zamanda bir çox məsələlər ətrafında fikir mübadiləsi aparılıb.
Femida.az
Oxunub: 734
Oxşar xəbərlər
- Ramin Hacılı məhkəmədə qalmaqal salıb, zaldan çıxarılıb
- Ramin Bayramlı əhalini peyvənd olunmağa çağırıb
- Ramin Hacılı ilə birgə saxlanılanların adları açıqlandı - Siyahı
- Ramin Quluzadə Prezidentin İşlər müdiri təyin edildi
- Ramin Quluzadə səfirlə erməni təxribatlarını müzakirə etdi
- Ramin Quluzadə səfiri ermənilərin təxribatları barədə məlumatlandırdı
- Ramin Quluzadə dünyaca məşhur şirkətin nümayəndələri ilə görüşdü
- Ramin Quluzadə ABŞ nümayəndə heyətini qəbul etdi
- Ramin Qurbanov "Elektron məhkəmə" sistemindən danışdı
- Ramin Hacılı azadlığa buraxıldı