Eldar Mahmudovun qohumuna cinayət işi açıldı


18:21     26 Oktyabr 2015 504843_52726.jpg

Sabiq Milli Təhlükəsizlik naziri Eldar Mahmudovun yaxın qohumu, Bakı Telefon Rabitəsi İstehsalat Birliyinin rəhbəri Beytulla Hüseynovun işdən azad olunması ilə bağlı xəbər vermişdik.


Femida.az Trend-ə istinadən xəbər verir ki, keçmiş nazirin yaxın qohumu B.Hüseynov barəsində Cinayət Məcəlləsinin üç maddəsi ilə cinayət işinin açılmasına dair özəl informasiya əldə edib.

Sabiq İB rəhbəri barəsində Cinayət Məcəlləsinin 179.3.2 (Mənimsəmə və ya israf etmə, külli miqdarda törədildikdə), 308.2 (Vəzifə səlahiyyətlərindən sui-istifadə, bu Məcəllənin 308.1-ci maddəsi ilə nəzərdə tutulmuş əməllər ağır nəticələrə səbəb olduqda və ya seçkinin (referendumun) nəticələrinə təsir məqsədilə törədildikdə), 313 (Səhlənkarlıq, yəni vəzifəli şəxsin işə vicdansız və ya laqeyd münasibəti nəticəsində öz xidməti vəzifəsini yerinə yetirməməsi və ya lazımi qaydada yerinə yetirməməsi fiziki və ya hüquqi şəxslərin hüquqlarına və qanuni mənafelərinə və ya dövlətin və ya cəmiyyətin qanunla qorunan mənafelərinə mühüm zərər vurulmasına səbəb olduqda) maddələri ilə Baş prokuror yanında Korrupsiyaya qarşı Mübarizə Baş İdarəsi tərəfindən cinayət işi açılıb.

Xatırladaq ki, Bakı Telefon Rabitəsi İstehsalat Birliyinin (BTRİB) rəhbəri Beytulla Hüseynov Rabitə və yüksək texnologiyalar naziri Əli Abbasovun əmri ilə işdən azad olunub.

Açar sözlər:

Oxunub: 917