Azad Rəhimov Abu-Dabidə bir sıra görüşlər keçirib
11:45 15 Mart 2019
Gənclər və idman naziri Azad Rəhimov Birləşmiş Ərəb Əmirliklərinin (BƏƏ) paytaxtı Abu-Dabi şəhərində start götürən Dünya Xüsusi Olimpiya Oyunlarının açılış mərasiminə qatılıb.
Nazirliyin mətbuat xidmətindən Femida.az-a verilən məlumata görə, səfər çərçivəsində A.Rəhimov bir sıra görüşlər keçirib. O, Abu-Dabinin Vəliəhdi, BƏƏ Silahlı Qüvvələrinin Ali Baş Komandanının müavini Şeyx Məhəmməd bin Zayed Əl Nəhyan, BƏƏ-nin baş naziri və vitse prezidenti Şeyx Məhəmməd bin Rəşid Əl Məktum, Beynəlxalq Xüsusi Olimpiya Hərəkatının sədri Timoti Şrayver, Avropa və Avrasiya Xüsusi Olimpiya Hərəkatının prezidenti Devid Evangelista, Serbiyanın gənclər və idman naziri Vanya Udoviçiç, Qazaxıstanın mədəniyyət və idman naziri Arıstanbek Məhəmmədiulı ilə görüşüb.
Nazir Abu Dabi vəliəhdinə Prezident İlham Əliyevin səmimi salamlarını və xoş arzularını çatdırıb. Şeyx Məhəmməd bin Zayed Əl Nəhyan dərin təşəkkürünü bildirərək, öz növbəsində onun da salam və səmimi arzularının dövlət başçısına çadrırılmasını xahiş edib.
T.Şrayver tədbirin açılış mərasimində çıxışı zamanı ötən il Bakıda keçirilmiş Xüsusi Olimpiya Hərəkatı Gənc Liderlərinin XX Qlobal Forumu haqqında xüsusi danışıb. O, Bakı Forumunun bu hərəkatın inkişafında müstəsna rol oynadığını bildirərək, Azərbaycanın əqli məhdudiyyətləri olan və olmayan gənclərə dəyər nümayiş etdirdiyini, dünya şöhrətli ulduzların da məhz o müddətdə Bakıya səfər etdiklərini diqqətə çatdırıb.
Qeyd edək ki, Dünya Xüsusi Yay Olimpiya Oyunlarında 170-dən artıq ölkənin 7 mindən artıq xüsusi olimpiyaçısı iştirak edir. Azərbaycanı bu yarışda 56 idmançı 10 idman növündə təmsil edir.
Femida.az
Oxunub: 967
Oxşar xəbərlər
- Azad edilmiş ərazilərdə yaşıl texnologiyalarla bağlı yeni İşçi Qrupu yaradılıb - SİYAHI
- Azad olunmuş ərazilərin bərpası üçün əlavə 470 milyon manat ayrılıb
- Azad edilmiş ərazidə 2 tondan artıq çətənə kolu yandırılaraq məhv edilib
- Azad edilən ərazilərdə ötən həftə aşkarlanan minaların sayı açıqlanıb
- Azad edilən ərazilərdə daha 172 mina aşkarlanıb
- Azad edilmiş ərazilərdə baş verən yanğın hadisələrinin sayı açıqlanıb
- Azad olunmuş ərazilərə ilk növbədə kimlərin geri qaytarılacağı açıqlanıb
- Azad edilən ərazilərdə daha 42 mina aşkarlanıb
- Azad olunmuş ərazidə avtobus qəzası ilə bağlı cinayət işi açılıb
- Azad edilən ərazilərdə daha 17 mina aşkarlanıb