Ermənistandan daha bir təxribat: Azərbaycanlı sakin oğurlanıb?
15:38 16 Mart 2019
"Bu gün saat 01:30 radələrində Ermənistanın şimal-şərq istiqamətindəki "N" nömrəli hərbi hissənin müdafiə zolağında, erməni əsgərləri tərəfindən aşkar edilərək, xəbərdar edilən və xəbərdarlığa məhəl qoymayan Ermənistan sərhəddini pozan naməlum şəxs zərərsizləşdirilib".
Femida.az ordu.az-a istinadən xəbər verir ki, bu barədə Ermənistan Müdafiə Nazirliyinin mətbuat katibi Artsrun Hovhanisyan öz "Facebook" səhifəsində yazıb.
"Alt çənə nahiyyəsindən aldığı odlu silah yarasından sonra ona ilk tibbi yardım göstərilib. Daha sonra tibb müəssisəsinə təxliyyə edilib. Onun həyatına təhlükə yoxdur. Onun üzərində aşkar edilən sənədlərə əsasən 1986-cı il təvəllüdlü, Azərbaycan Respublikasının Qazax rayon sakini Elvin Arif oğlu İbrahimovdur. Ermənistan Milli Təhlükəsizlik Xidmətinin istintaq departamenti tərəfindən cinayət işi açılıb. İlkin istintaq davam edir", - deyə Hovhanisyan qeyd edib.
Qeyd edək ki, erməni tərəfinin yaydığı məlumat hər zamakı kimi həqiqəti əks etdirmir. Belə ki, 15 iyul 2018-ci il tarixdə səhər saat 07:00 radələrində Azərbaycan Ordusunun hərbi qulluqçuları tərəfindən görülmüş müvafiq tədbirlər nəticəsində Qazax rayonunun Kəmərli kəndinin "Balakənd" adlandırılan ərazisində ölkəmizdə terror aktına cəhd etməyi planlaşdıran Karen Kazaryan adlı erməni diversant ələ keçirildi. Məhz bu təxribatçı aktın qarşısının alınmasından sonra Ermənistanda Paşinyan hakimiyyətinə qarşı çoxsaylı etiraz aksiyaları keçirildi. Görünür, terrorçuluq fəaliyyətləri sübuta yetirilən Kazaryanın həbsdən buraxılmayacağını dərk edən Ermənistan hakimiyyəti ictimai təzyiqin qarşısını almaq üçün növbəti dəfə təxribata əl atıb. Böyük ehtimalla yuxarıda yaralandığı qeyd olunan Qazax sakini rəsmi Bakıya təzyiq göstərmək məqsədi ilə planlı şəkildə oğurlanıb.
Xatırladaq ki, Azərbaycanda Arsen Bağdasaryan, Karen Qazaryan və Zaven Karapetyan olmaqla 3 erməni kəşfiyyatçısı saxlanılır.
Ermənistanda isə Azərbaycan vətəndaşı Şahbaz Quliyev və Rusiya vətəndaşı Dilqəm Əsgərov girovluqda saxlanılır.
Femida.az
Oxunub: 742
Oxşar xəbərlər
- Ermənistandan Türkiyəyə ilk təyyarə reysinin vaxtı açıqlanıb
- Ermənistandan korrupsiyada təqsirləndirilən məmurun qaçmasına kömək edən avropalı diplomat saxlanılıb
- Ermənistandan atılan “Smerç” yaşayış evinin həyətinə düşüb
- Ermənistandan İrana raket atıldı — 6 yaşlı uşaq yaralandı
- Ermənistandan ABŞ-a İran çağırışı
- Ermənistandan deportasiya edilən azərbaycanlılarla bağlı - Deputatdan təklif
- Ermənistandan yan keçən növbəti beynəlxalq dəhliz işə düşür
- Ermənistandan İrana rədd cavabı - Qaz almayacaqlar
- Ermənistandan növbəti fırıldaq - Bu dəfə pomidor üzərindən
- Ermənistandan növbəti təxribat: 3-cü yol inşa edilir