Siqaret qaçaqmalçıları saxlanıldı
16:00 24 Mart 2019
Gömrük nəzarətindən yayınmağa çalışaraq Gürcüstandan Azərbaycana qanunsuz siqaret, mobil telefon aksesuarları və kürü keçirmək istəyənlər saxlanılıb.
Dövlət Gömrük Komitəsinin mətbuat və ictimaiyyətlə əlaqələr idarəsindən Femida.az-a bildirilib ki, Qərb Ərazi Baş Gömrük İdarəsinin Əməliyyat və Təhqiqat İdarəsinə daxil olan məlumat əsasında “Qırmızı Körpü” gömrük postunda Gürcüstandan gələn Azərbaycan vətəndaşına məxsus “VAZ -21013” markalı avtomobil saxlanılıb və sürücü şifahi sorğu-sual edilib.
Sorğu-sual zamanı vətəndaş idarə etdiyi nəqliyyat vasitəsində gizlədilən və gömrük nəzarətinə mütləq bəyan edilməli hər hansı predmetin olmadığını bildirib. Lakin yoxlama zamanı avtomobilin salonunda – döşəmənin altında gizlədilən 1000 ədəd “Marlboro” markalı siqaret, 10 ədəd “Apple” markalı qulaqcıq və 100 qramlıq 8 ədəd şüşə qablarda balıq kürüsü aşkarlanıb.
İdarənin Əməliyyat və Təhqiqat İdarəsinə daxil olan digər bir məlumata əsasən isə “Qırmızı Körpü” gömrük postunda Gürcüstandan gələn Azərbaycan vətəndaşının idarə etdiyi “VAZ -21063” markalı avtomobil saxlanılıb və nəqliyyat vasitəsinə gömrük baxışı keçirilib. Baxış zamanı avtomobilin salonunda – döşəmənin altında gizlədilən 3000 ədəd “Marlboro” markalı siqaret və 10 ədəd “Apple” markalı qulaqcıq aşkar edilib.
Hər iki faktla bağlı araşdırma aparılır.
Femida.az
Oxunub: 810
Oxşar xəbərlər
- Siqaret və qəlyan çəkənlərə BƏD XƏBƏR
- Siqaret insanın ağciyərini bu hala salırmış - Həkimlər video paylaşdı
- Siqaret çəkənlər ən çox bu qidaları yeməlidir – Nikotini zərərsizləşdirən 7 ərzaq
- Siqaret qutusundan psixotrop maddə çıxdı
- Siqareti balkona atdılar - Bina yandı
- Siqaret oğurlamaqda şübhəli bilinən şəxslər tutulub
- Siqareti yerə atanları cərimələyəcək orqan müəyyənləşdi
- Siqaret bahalaşdı - Yeni qiymət
- Siqaret qaçaqmalçıları "Qırmızı Körpü"dən keçə bilmədilər
- Siqaret qutusunda narkotik aşkarlanıb