Paşinyan Əliyevlə görüşmək üçün Vyanaya yollanır

Paşinyan Əliyevlə görüşmək üçün Vyanaya yollanır


17:12     26 Mart 2019 19_03_26_1553606019.jpg

Ermənistan baş naziri Nikol Paşinyanın rəhbərliyi altındakı nümayəndə heyəti 28-29 mart tarixlərində Vyanada rəsmi səfərdə olacaq.

Femida.az azvision.az-a istinadən xəbər verir ki, bu barədə Ermənistan hökumətinin mətbuat xidməti məlumat yayıb.
Erməni KİV-ləri yazır ki, Avstriya prezidenti Aleksander Van der Bellen martın 29-da paytaxt Vyanadakı Hofburq iqamətgahında həm Paşinyan, həm də Azərbaycan prezidenti İlham Əliyevlə ayrıca görüşlər keçirəcək.

Qeyd edək ki, martın 9-da ATƏT-in Minsk qrupunun həmsədrləri Dağlıq Qarabağ münaqişəsinin nizamlanması üçün aparılan danışıqlar prosesi çərçivəsində tərəflərin razılığı əsasında Azərbaycan və Ermənistan liderləri arasında ilk rəsmi görüşün təşkilinə hazırlaşdıqlarını bəyan ediblər.

Daha sonra Avstriyadakı diplomatik mənbə isə bildirib ki, “Paşinyanla Əliyev arasında görüş 29 martda Vyanada olacaq və ATƏT-in Minsk qrupu həmsədrlərinin vasitəçiliyi ilə keçəcək”.

Femida.az


Açar sözlər:

Oxunub: 156