Üç ölkənin gömrükçüləri görüşəcək
15:11 28 Mart 2019
Tbilisidə Azərbaycan və Gürcüstan gömrük xidmətlərinin nümayəndələri arasında işçi görüş keçirilib.
Dövlət Gömrük Komitəsindən (DGK) Femida.az-a verilən məlumata görə, Azərbaycan tərəfdən DGK sədrinin müavini Cavad Qasımov və Beynəlxalq Əməkdaşlıq İdarəsinin rəisi Dilavər Fərzəliyevin iştirak etdiyi görüşdə Gürcüstanı Gəlirlər Xidmətinin Baş direktoru Vaxtanq Laşkaradze, Gömrük Departamentinin rəhbəri Mamuka Djanqulaşvili və müavini Kaxaber Baramia təmsil ediblər.
Görüşdə Avropa İttifaqının Yeni Kompüterləşdirilmiş Tranzit Sisteminin (NCTS) tətbiqi ilə bağlı Azərbaycan və Gürcüstanın birgə regional layihəsi müzakirə olunub, tərəflər NCTS-yə üzvlük istiqamətində görülən işlər barədə məlumat veriblər.
Eyni zamanda, Azərbaycan və Gürcüstan arasında həyata keçirilən dəmir yolu ilə daşımalarda mövcud vəziyyət, perspektiv və qeyd olunan daşımalar zamanı gömrük məsələləri barədə fikir mübadiləsi aparılıb. İki ölkə arasında imzalanan müvafiq sazişlərə əsasən Azərbaycan ərazisindən dəmir yolu vasitəsilə neft məhsullarının tranzit daşımaları zamanı gömrük orqanları tərəfindən tələb edilən zəmanət məktubunun elektron şəkildə təqdim edilməsi müzakirə edilib və bunun tranzit daşımaların sürətləndirilməsinə töhfə verəcəyi vurğulanıb.
Görüşdə Azərbaycan-Gürcüstan dövlət sərhədində yeni "İpək Yolu - Abreshumis Gza" birgə gömrük-sərhəd buraxılış məntəqəsinin inşasının layihələndirilməsi, həmçinin birgə gömrük nəzarətinin təşkilinə dair məsələlər də müzakirə mövzusu olub. Bununla əlaqədar saziş layihəsinin imzalanmasından sonra sazişin müddəalarına əsasən zəruri mexanizmin icrası üçün müvafiq qaydaların hazırlanması barədə razılıq əldə edilib. Gürcüstan gömrük xidmətinin nümayəndələri layihənin icrasına Asiya İnkişaf Bankının maliyyə dəstəyi göstərəcəyini bildirib.
Daha sonra görüşdə Bakı-Tbilisi-Qars dəmir yolu ilə daşımalarda yüklərin gömrük rəsmiləşdirilməsi və gömrük nəzarətinə dair fikir mübadiləsi aparılıb, bu il aprelin sonunda Azərbaycan, Gürcüstan və Türkiyə gömrük xidmətlərinin nümayəndələri arasında işçi görüşün keçirilməsi razılaşdırılıb.
Femida.az
Oxunub: 352
Oxşar xəbərlər
- Ucarda üzərinə benzin tökərək yandıran əlil ölüb
- Üç istirahət mərkəzinin rəhbəri cərimələnib
- Ucarda piyadanı yük qatarı vurub öldürüb
- Üçtərəfli işçi qrupun növbəti iclası bu ay baş tutacaq
- Ucarda yol qəzasında ana və 7 aylıq körpəsi xəsarət alıb
- Ucar polisi əməliyyat keçirib, 4 nəfər saxlanılıb
- Ucarda 5 nəfərin xəsarəti ilə nəticələnən qəza baş verib
- Üç il əvvəl Kürdəmirdə qətl törədən şəxs həbs edilib
- Ucarda evlərdən 13 min manatlıq oğurluq edən şəxslər saxlanılıb
- Ucarda yeniyetmə oğlan qardaşını qətlə yetirib