Maliyyə Nazirliyi QHT-lərə vaxt verdi
21:50 28 Mart 2019
Maliyyə Nazirliyi qeyri-hökumət təşkilatlarına müraciət edib.
Femida.az nazirliyin mətbuat xidmətinə istinadən xəbər verir ki, "Qeyri-hökumət təşkilatları (ictimai birliklər və fondlar) haqqında" Azərbaycan Respublikası Qanununun 29.4-cü maddəsinə əsasən, qeyri-hökumət təşkilatları illik maliyyə hesabatlarını aprel ayının 1-dən gec olmayaraq Maliyyə Nazirliyinə təqdim etməlidirlər.
"Qeyri-hökumət təşkilatlarının illik maliyyə hesabatının forması, məzmunu və təqdim edilməsi Qaydası" Azərbaycan Respublikası Nazirlər Kabinetinin 2009-cu il 25 dekabr tarixli Qərarı ilə təsdiq edilib və normativ hüquqi akt Maliyyə Nazirliyinin internet səhifəsində yerləşdirilib. Adıçəkilən Qanunun 31.8-ci maddəsinə əsasən illik maliyyə hesabatlarınız 30 gün müddətində Maliyyə Nazirliyinə təqdim edilməlidir.
Bundan başqa, Maliyyə Nazirliyi tərəfindən qeyri-hökumət təşkilatlarından illik maliyyə hesabatlarının elektron alınması məqsədilə qeyri-hökumət təşkilatlarının elektron hesabatlılıq proqramı hazırlanıb. www.qht-hesabat.maliyye.gov.az sayt vasitəsilə qeydiyyatdan keçməklə elektron qaydada hesabatları təqdim etmək olar.
Qeyd edək ki, maliyyə hesabatlarının təqdim edilməməsinə görə Azərbaycan Respublikası İnzibati Xətalar Məcəlləsinin 462-ci maddəsi ilə inzibati tənbeh nəzərdə tutulub.
Femida.az
Oxunub: 717
Oxşar xəbərlər
- Maliyyə Nazirliyində kadr yerdəyişmələri olub
- Maliyyə Nazirliyində yeni təyinat olub
- Maliyyə Nazirliyi də artımlarla bağlı işlərə başladı
- Maliyyə nazirindən ittiham: "Pul ayrılır, nəticə yoxdur"
- Maliyyə Nazirliyinin əməkdaşı qəfildən vəfat edib
- Maliyyə Nazirliyi büdcə hesabatını yaydı
- Maliyyə Nazirliyindən QHT-lərə MÜRACİƏT
- Maliyyə dəstəyi üçün 148 minə yaxın vergi ödəyicisi müraciət edib
- Maliyyə Nazirliyindən daha bir xəbərdarlıq!
- Maliyyə Nazirliyinin əməkdaşı vəfat edib