Dövlət Gömrük Komitəsi açıqlama yaydı
16:28 29 Mart 2019
Ötən gün sosial şəbəkələrdə gömrük orqanları və əməkdaşlarına qarşı haqsız ittihamların irəli sürüldüyü videotəsvirlər yayımlanıb.
Femida.az xəbər verir ki, bu barədə Dövlət Gömrük Komitəsinin açıqlamasında bildirilir.
Məlumatda həmçinin deyilir ki, məqsədli və gömrük orqanlarının fəaliyyətinə kölgə salacaq şəkildə hazırlanan və yayımlanan həmin videotəsvirlər vasitəsilə gömrük əməkdaşlarının guya vətəndaşlara qarşı kobud rəftar etdiyi iddia olunur.
"Videotəsvirlərdə əks olunan hadisə bu il martın 19-da Cənub Ərazi Baş Gömrük İdarəsinin "Biləsuvar" gömrük postunda Biləsuvar rayon sakini Əbdürrəhmanov Niyaməddin Rafiq oğlunun gömrükçülərin haqlı tələblərinə məhəl qoymayaraq gömrük qanunvericiliyini və ictimai asayişi pozma cəhdi nəticəsində baş verib.
Postun idxal-piyada xəttinə daxil olan N.Əbdürrəhmanovun gətirdiyi mallara gömrük baxışı zamanı onun bu il mart ayının 14-də də ölkə ərazisinə ərzaq məhsulları və tütün məmulatları gətirdiyi müəyyən edilib. Buna görə də həmin şəxsə Nazirlər Kabinetinin 305 saylı qərarına əsasən müəyyən olunmuş miqdardan artıq mal gətirdiyi bildirilib və qanunvericiliyə əsasən normadan artıq olan malların saxlanca verilməsi təklif olunub. Dəfələrlə aparılan izahat işlərinə baxmayaraq gömrükçülərin haqlı tələblərinə məhəl qoymayan şəxs onları nalayiq ifadələrlə təhqir edib, soyuq silah - bıçaqla əvvəlcə özünə xəsarət yetirəcəyini bildirib, daha sonra postda xidmət aparan gömrük əməkdaşlarına fiziki təzyiq göstərib. Üstəlik, həmin şəxs hadisə zamanı idxal-sərnişin xəttindəki vətəndaşları da gömrükçülərə qarşı etiraza çağırıb və bir müddət gömrük postunun fəaliyyət rejimini pozub.
Bu səbəbdən gömrük əməkdaşları qanunvericiliyə uyğun olaraq həmin şəxsi məcburi qaydada piyada-idxal xəttindən uzaqlaşdırıb və bu zaman həmin şəxsə qarşı fiziki zərbə və ya digər hərəkət tətbiq edilməyib. Vətəndaşın döyülməsi ilə bağlı iddialar isə ümumiyyətlə həqiqətə uyğun deyil.
N.Əbdürrəhmanov mütəmadi olaraq İrandan ölkə ərazisinə ticarət məqsədilə ərzaq və digər mallar gətirir. Qanunvericiliyin tələblərini pozduğuna görə onun hüquqazidd əməllərinə qiymət verilməsi və barəsində müvafiq tədbir görülməsi üçün hüquq-mühafizə orqanlarına müraciət edilib.
Ancaq təəssüf doğuran hal ondan ibarətdir ki, bəzi məqsədli dairələr və şəxslər hadisəni əks etdirən videotəsvirləri gömrük əməkdaşlarının fəaliyyətinə kölgə salacaq şəkildə hazırlayaraq rəsmi tərəfin mövqeyi olmadan yayımlayır.
Gömrük orqanları ölkənin iqtisadi təhlükəsizliyini təmin edən strateji dövlət qurumlarından biridir, öz fəaliyyətini qanunvericiliyin tələblərinə uyğun, vətəndaş məmnuniyyətini təmin edəcək şəkildə qurur.
DGK-nın Vahid Avtomatlaşdırılmış İdarəetmə Sisteminin müşahidə kameraları vasitəsilə N.Əbdürrəhmanovun hərəkətləri videoyazıya alınıb. Kadrlardakı xüsusi işarələnmiş hissələrdə soyuq silah - bıçağı və həmin şəxsin hərəkətlərini aydın şəkildə görmək mümkündür", - məlumatda qeyd olunub.
Femida.az
Oxunub: 371
Oxşar xəbərlər
- Dövlət Komitəsi Sumqayıtda əri tərəfindən zorakılıqla üzləşən qadınla bağlı məlumat yayıb
- Dövlət Məşğulluq Agentliyi auitor seçib
- Dövlət Agentliyinin vəzifəli şəxsi saxlanılıb
- Dövlət qurumları adından saxta iş elanları verən şəxs saxlanılıb
- Dövlət Məşğulluq Agentliyi 66 milyon manatlıq ev heyvanları alacaq
- Dövlət Xidmətinə müraciət edən istehlakçılara 118 min manat geri qaytarılıb
- Dövlət Agentliyi saxta iş elanları ilə bağlı vətəndaşlara xəbərdarlıq edib
- Dövlət evsiz vətəndaşlara ev verir? – Ekspert çaşqınlığa aydınlıq gətirdi
- Dövlət Agentliyi kombilərdən istifadənin məhdudlaşdırılmasına çağırıb
- Dövlət Dram Teatrına məxsus avtomobildən oğurluq edilib