Pərviz Şahbazov macarıstanlı nazirlə görüşüb
19:36 29 Mart 2019
Energetika naziri Pərviz Şahbazov Macarıstanın xarici işlər və ticarət naziri Peter Syartonun başçılıq etdiyi nümayəndə heyəti ilə görüşüb.
Energetika Nazirliyindən Femida.az-a verilən məlumata görə, nazir Macarıstanın xarici işlər və ticarət naziri ilə ötən il Moskvada “Rusiya enerji həftəsi” adlı Beynəlxalq Forum çərçivəsində baş tutmuş görüşdə enerji sahəsində ikitərəfli əməkdaşlıq məsələlərinin müzakirə edildiyini xatırladıb və bu səfərin isə yeni imkanlar yaratdığını qeyd edib.
Macarıstanın enerji təchizatının mövcud vəziyyəti, qaza olan tələbatı barədə məlumat verən Peter Syarto qaz bazarının diversifikasiyası ilə bağlı planlardan danışıb. Macarıstanın gələcəkdə “Cənub Qaz Dəhlizi" layihəsində iştirakda maraqlı olduğunu qeyd edib.
Görüşdə “Cənub Qaz Dəhlizi”nin icra vəziyyəti, genişləndirilmə perspektivləri, növbəti mərhələdə ötürücülük qabiliyyətinin artırılması imkanları və işlənmədə olan qaz yataqları barədə məlumatlar diqqətə çatdırılıb.
Enerji sahəsində əməkdaşlığın inkişafı məqsədilə Hökumətlərarası Komissiya çərçivəsində müvafiq işçi qrupunun yaradılması təklif edilib. Söhbət zamanı Azərbaycanla Macarıstan arasında əməkdaşlığın digər istiqamətləri, eləcə də regional enerji təhlükəsizliyi məsələləri ətrafında da fikir mübadiləsi aparılıb.
Femida.az
Oxunub: 578
Oxşar xəbərlər
- Pərviz Şahbazov İGB-nin açılışında iştirak edəcək
- Pərviz Müşərrəf barəsində edam hökmü ləğv edildi
- Pərviz Müşərrəf haqqında edam hökmü çıxarılıb
- Pərviz Şahbazov ABŞ-a səfər edib
- Pərviz Şahbazov İtaliya nümayəndə heyətini qəbul edib
- Pərviz Şahbazov “OPEC plus” nazirlərinin 6-cı iclasında iştirak edəcək
- Pərviz Şahbazov OPEC-in tədbirində iştirak edəcək
- Pərviz Şahbazov Çin şirkətlərini Azərbaycana dəvət edib
- Pərviz Şahbazovun qəbul vaxtı dəyişdirilib
- Pərviz Şahbazov qazaxıstanlı həmkarı ilə görüşüb