Tovuzdakı partlayışda yaralanan iki nəfərin kimliyi məlum olub
14:53 01 Aprel 2019
Tovuz rayonunun Öysüzlü kəndində baş verən partlayışla əlaqədar xəstəxanaya saat 23:20-də çağırış daxil olub.
Femida.az xəbər verir ki, Səhiyyə Nazirliyindən AzVision.az-a verilən məlumata görə, hadisə zamanı xəsarət alan iki nəfər xəstəxanaya gətirilib.
Onlardan biri 1964-cü il təvəllüdlü Zemfira Qurbanovadır. Həmin şəxsdə travmatik şok, yuxarı ətrafların soyulmuş yarası aşkar edilib. Digər zərərçəkən 1992-ci il təvəllüdlü Həsən İmamverdiyevdə isə bel fəqərəsinin sınığı qeydə alınıb. Hər iki şəxsin həyati təhlükəsi yoxdur.
Qeyd edək ki, Tovuz rayonunun Aşağı Öysüzlü kəndində ümumi sahəsi 40 m² olan birmərtəbəli fərdi yaşayış evində partlayış baş verib. Partlayış zamanı evdə sahəsi 20 m² olan bir otaq və bitişik talvar uçub. Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri 2 nəfəri dağıntılar altından çıxararaq aidiyyəti üzrə təhvil veriblər. İlkin ehtimala görə, partlayışa qaz sızması səbəb olub.
Femida.az
Oxunub: 418
Oxşar xəbərlər
- Tovuzdakı yanğın söndürülüb
- Tovuzdakı qətllə bağlı cinayət işi açılıb
- Tovuzdakı partlayışla bağlı cinayət işi başlanıldı
- Tovuzdakı “ASAN xidmət” cəbhə bölgəsində yerləşən ilk mərkəzdir
- Tovuzdakı bədbəxt hadisə ilə bağlı cinayət işi başlanıb
- Tovuzdakı yanğında ölən ər-arvad qətlə yetirilibmiş - CİNAYƏT