Ordumuzun komandirləri toplandı
10:47 02 Aprel 2019
Azərbaycan Ordusunun döyüş hazırlığı planına əsasən hərbi hissə komandirlərinin ideoloji iş və mənəvi-psixoloji təminat üzrə müavinləri ilə metodiki toplantı keçirilib.
Bu barədə Femida.az-a Müdafiə Nazirliyindən məlumat verilib.
Müdafiə nazirinin müavini general-leytenant Kərim Vəliyev ötən ildə hərbi bölmələrdə ideoloji iş və mənəvi-psixoloji təminat fəaliyyətinin, eləcə də ictimaiyyətlə əlaqələr işinin hərbi qanunvericilik aktlarının tələblərinə uyğun təşkil olunduğunu qeyd edərək bildirib ki, bu fəaliyyətlər Müdafiə nazirinin tələblərinə əsasən daim diqqət mərkəzində olmalıdır.
İdeoloji İş və Mənəvi-Psixoloji Təminat İdarəsinin rəisi – Şəxsi Heyət Baş İdarəsi rəisinin müavini general-mayor Rasim Əliyev də 2018-ci tədris ili ərzində hərbi vətənpərvərlik tərbiyəsi, mənəvi-psixoloji hazırlıq, hərbi intizamın yüksəldilməsi və digər sahələrdə görülmüş işlər, eləcə də 2019-cu tədris ilində qarşıda duran vəzifələr barədə ətraflı məruzə ilə çıxış edib.
Sonra Azərbaycan Ordusunda ideoloji işin təşkili, hüquq qaydalarının möhkəmləndirilməsi istiqamətində komandir heyətinin vəzifələri, dövlət sirrinin qorunması, hərbi xidmət təhlükəsizliyinin təmin edilməsi, şəxsi heyətin mənəvi-psixoloji hazırlıq səviyyəsinin artırılması, hərbi intizamın möhkəmləndirilməsi, hərbi qulluqçuların milli-mənəvi dəyərlər ruhunda tərbiyə edilməsi və psixoloji əməliyyatlar mövzularında məruzələr dinlənilib.
Sonda zabit heyətinə müvafiq tövsiyələr verilib.
Femida.az
Oxunub: 392
Oxşar xəbərlər
- Ukrayna ordusunun daha bir azərbaycanlı hərbçisi həlak olub
- Ordumuzun mövqeləri atəşə tutulub
- Azərbaycan Ordusunun mövqeləri atəşə tutulub
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ordumuzun mövqeləri atəşə tutulub
- Türkiyə Ordusu 17 terrorçunu məhv edib
- Baş Prokurorluqdan Azərbaycan Ordusu ilə bağlı XƏBƏRDARLIQ
- Azərbaycan Ordusunun əsgəri vəfat edib
- Şəhid anaları Ordumuz üçün dua etdi – VİDEO
- Ermənistan ordusunun itkiləri 150-200 nəfərdir