Qızıl Xaç Komitəsi ilə gələcək əməkdaşlıq istiqamətləri müzakirə olunub
17:41 02 Aprel 2019
Əmək və Əhalinin Sosial Müdafiəsi Nazirliyində Beynəlxalq Qızıl Xaç Komitəsinin (BQXK) Azərbaycandakı Nümayəndəliyinin başçısı xanım Elena Aymone Sessera ilə görüş olub.
Nazirlikdən Femida.az-a verilən məlumata görə, görüşdə əmək və əhalinin sosial müdafiəsi nazirinin müavini Anar Kərimov həssas qruplardan olan vətəndaşların qayğı ilə əhatə olunmasının Azərbaycan Respublikasının Prezidenti İlham Əliyevin sosial siyasətində mühüm yer tutduğunu vurğulayıb.
Nazir müavini bu sahədə ölkəmizdə aparılan işləri, sosial həssas qruplar və əlilliyi olan şəxslərin pensiya və müavinətlərinin, təqaüdlərinin artırılması, onların reabilitasiyası, əmək bazarına inteqrasiyası istiqamətində atılan mühüm addımları diqqətə çatdırıb.
A.Kərimov BQXK-nin humanitar məqsədli proqramlarının, itkin düşmüş şəxslərin ailələri, cəbhəyanı ərazilərlə bağlı sosial layihələrinin əhəmiyyətindən söz açıb. O, nazirliyin Komitə ilə əməkdaşlığının genişləndirilməsinin önəmini qeyd edib.
Xanım E.A.Sessera Komitənin son illərdə həyata keçirdiyi layihələrdən və gələcək hədəflərindən bəhs edib, Əmək və Əhalinin Sosial Müdafiəsi Nazirliyi ilə ötən dövrdə həyata keçirilən əməkdaşlıq təcrübəsinin uğurlu olduğunu bildirib. O, həmçinin, nazirliyin həyata keçirdiyi özünəməşğulluq proqramına təlimlərin keçiriməsində və peşə hazırlığı tədbirlərinə dəstək olmaqda hazır olduğunu bildirib.
Görüşdə BQXK-nin humanitar fəaliyyəti, cəbhəyanı ərazilərdə yaşayan əhaliyə dəstək, mina partlayışı qurbanları və mina partlayışından zərər çəkmiş şəxslərə yardımla bağlı proqramları və s. ilə bağlı fikir mübadiləsi aparılıb, gələcək əməkdaşlıq istiqamətləri müzakirə olunub.
Femida.az
Oxunub: 388
Oxşar xəbərlər
- Qızılağac Milli Parkının ərazisində qanunsuz ov edən şəxs saxlanılıb
- Qızılağac Dövlət Təbiət Qoruğunda baş verən yanğın söndürülüb
- Qızılağac Milli Parkında yanğın başlayıb
- Qızıl və gümüş nişanla təltif olunan məktəb məzunlarının adları açıqlandı - SİYAHI
- Qızıl Aypara Cəmiyyətinin vəzifəli şəxslərinə cinayət işi açıldı
- Qızıl Aypara Cəmiyyətinin Bərdə Bölməsində araşdırmalara başlandı
- Qızıl və gümüş satışından 186,5 milyon gəlir əldə edilib
- Qızılağac Dövlət Təbiət Qoruğunda yanğının qarşısı alınıb
- Qızılağac Milli Parkında yanğın başlayıb
- Qızıl-zinət əşyaları oğurlayan şəxs tutulub